ଦୁବାଇ : ଆସନ୍ତା କାଲି ଅର୍ଥାତ ୨୭ ତାରିଖରୁ ଆରମ୍ଭ ହେଉଛି ଏସିଆ କପ୍ । ଉଦଘାଟନୀ ମ୍ୟାଚରେ ଆଫଗାନିସ୍ତାନକୁ ଭେଟିବ ଶ୍ରୀଲଙ୍କା । ଏହାର ପରଦିନ ଅର୍ଥାତ ଅଗଷ୍ଟ ୨୮ରେ ଟୁର୍ଣ୍ଣାମେଣ୍ଟର ସବୁଠାରୁ ହାଇପ୍ରୋଫାଇଲ ମ୍ୟାଚ୍ ଭାରତ ଓ ପାକିସ୍ତାନ ମଧ୍ୟରେ ଖେଳାଯିବ । ଏହି ମହାମୁକାବିଲାକୁ ସାରା ବିଶ୍ବର କ୍ରିକେଟପ୍ରେମୀ ଚାହିଁ ରହିଥିବାବେଳେ ଭାରତୀୟ ଦଳର ଉପ-ଅଧିନାୟକ କେ.ଏଲ.ରାହୁଲ କହିଛନ୍ତି ଯେ ପାକିସ୍ତାନ ପରି ଏକ ଭଲ ଟିମ ବିପକ୍ଷରେ ଖେଳିବା ଆମ ପାଇଁ ଏକ ବଡ଼ ଚ୍ୟାଲେଞ୍ଜ୍ ।
Sambad is now on WhatsApp
Join and get latest news updates delivered to you via WhatsApp
ସେ କହିଛନ୍ତି ଯେ ଟିମ୍ ଇଣ୍ଡିଆର ସଦସ୍ୟମାନେ ସେ ଏହି ମ୍ୟାଚକୁ ଅପେକ୍ଷା କରି ରହିଛନ୍ତି, କାରଣ ଉଭୟ ଟିମ ନିୟମିତ ଭାବେ ଖେଳୁ ନାହାନ୍ତି, କେବଳ ବଡ଼ ଟୁର୍ଣ୍ଣାମେଣ୍ଟରେ ଖେଳୁଛନ୍ତି । ଏଣୁ ପାକିସ୍ତାନ ପରି ଏକ ଭଲ ଟିମ ବିପକ୍ଷରେ ଖେଳିବା ଆମ ପାଇଁ ଏକ ବଡ଼ ଚ୍ୟାଲେଞ୍ଜ୍ । ଦୁଇ ଦଳ ମଧ୍ୟରେ ତୀବ୍ର ମୁକାବିଲାର ଏକ ଇତିହାସ ରହିଛି ଓ ଦୁଇ ଦଳ ମଧ୍ୟରେ ତୀବ୍ର ପ୍ରତିଦ୍ବନ୍ଦିତାମୂଳକ ଖେଳ ଦେଖିବାକୁ ମିଳିଥାଏ । କ୍ରିକେଟ ଖେଳାଳିଭାବେ ଆମେ ଭାରତ-ପାକିସ୍ତାନ ମ୍ୟାଚ ଦେଖିବାକୁ ଚାହିଁ ବସିଥାଉ ।
ଏସିଆ କପରେ ଭାରତ ଓ ପାକିସ୍ତାନ ନିଜ ନିଜର ଷ୍ଟ୍ରାଇକ୍ ବୋଲର ଜସପ୍ରୀତ ବୁମରା ଓ ଶାହିନ ଶାହା ଆଫ୍ରିଦିଙ୍କ ବିନା ଖେଳୁଛନ୍ତି । ଏହା ସତ୍ତ୍ବେ ଦୁଇ ଦଳ ମଧ୍ୟରେ ତୀବ୍ର ପ୍ରତିଦ୍ବନ୍ଦିତାର ସମ୍ଭାବନା ରହିଛି ।