କଟକ: ପୁନେରେ ଚାଲିଥିବା ଖେଲୋ ଇଣ୍ତିଆର ପୁରୁଷ ହକି ପ୍ରତିଯୋଗିତାରେ ଓଡ଼ିଶା ୨୧ ବର୍ଷରୁ କମ୍ ଦଳ ଦ୍ବିତୀୟ ବିଜୟ ପାଇଛି। ମଙ୍ଗଳବାର ପ୍ରଥମ ମ୍ୟାଚ୍ରେ ଆୟୋଜକ ମହାରାଷ୍ଟ୍ରକୁ ୬-୩ ଗୋଲ୍ରେ ପରାସ୍ତ କରିଥିବା ଓଡ଼ିଶା ବୁଧବାର ଦ୍ବିତୀୟ ମ୍ୟାଚ୍ରେ ହରିଆନାକୁ ୪-୧ ଗୋଲ୍ରେ ହରାଇଛି। ମହାରାଷ୍ଟ୍ର ବିପକ୍ଷରେ ହ୍ୟାଟ୍ରିକ୍ ଅର୍ଜନ କରିଥିବା ନୀଲମ ସ˚ଜୀବ ଖେସ୍ ହରିଆନା ବିପକ୍ଷରେ ଦୁଇଟି ଗୋଲ୍ କରିଥିଲେ। ସେ ତୃତୀୟ ଓ ୫୭ ମିନିଟ୍ରେ ଗୋଟିଏ ଲେଖାଏଁ ଗୋଲ୍ କରିଥିଲା ବେଳେ ଶିଳାନନ୍ଦ ଲାକ୍ରା (୧୬ ମିନିଟ୍), ଗିଗ୍ରୋରି ଖେସ୍ (୧୯ ମିନିଟ୍) ଅବଶିଷ୍ଟ ଦୁଇଟି ଗୋଲ୍ ଦେଇଥିଲେ। ଅନ୍ୟପକ୍ଷରେ ହରିଆନା ପକ୍ଷରୁ ମନ୍ଦୀପ ମୋର୍ (୫ ମିନିଟ୍) ଏକମାତ୍ର ଗୋଲ୍ଟି ଶୁଝି ଦେଇଥିଲେ।