ବାରବାଟୀରେ ଲିଜେଣ୍ଡ୍ ଲିଗ୍ କ୍ରିକେଟ ଆଜିଠୁ: ମଣିପାଲ ଟାଇଗର୍ସକୁ ଭେଟିବ ଭିଲ୍ୱାରା କିଙ୍ଗ୍ସ୍
ବିକ୍ରି ହୋଇନି ଅଧା ଟିକଟ, ତାରକାଙ୍କ ପାଇଁ ନାହିଁ ଉତ୍ସାହ
କଟକ: ଆସନ୍ତାକାଲି ଖେଳାଯିବାକୁ ଥିବା ଲିଜେଣ୍ଡ୍ ଲିଗ୍ କ୍ରିକେଟ (ଏଲ୍ଏଲ୍ସି) ଟ୍ବେଣ୍ଟି-୨୦ ମୁକାବିଲାରେ ମଣିପାଲ ଟାଇଗର୍ସକୁ ଭେଟିବ ଭିଲ୍ୱାରା କିଙ୍ଗସ୍। ଉଭୟ ଦଳ ଭୁବନେଶ୍ବରରେ ପହଞ୍ଚି ସାରିଥିଲା ବେଳେ ବାରବାଟୀ ଷ୍ଟାଡିୟମ ସଂପୂର୍ଣ୍ଣ ପ୍ରସ୍ତୁତ ରହିଛି। ଅପରାହ୍ନରେ ଉଭୟ ଦଳ ଷ୍ଟାଡିୟମରେ ପହଞ୍ଚି ଅଭ୍ୟାସ କରିବା ପରେ ସନ୍ଧ୍ୟା ୭. ୩୦ରୁ ମ୍ୟାଚ୍ ଆରମ୍ଭ ହେବ। ଉଭୟ ଦଳରେ ବହୁ ତାରକା ସ୍ଥାନ ପାଇଛନ୍ତି। ଇର୍ଫାନ ଫଠାନ, ୟୁସୁଫ ଫଠାନ, ଶ୍ରୀଶାନ୍ତ, ମଣ୍ଟି ପାନେସର, ବ୍ରେଟ ଲି, ହରଭଜନ ସିଂହ, ମହମ୍ମଦ କୈଫ, ମୁଥୟା ମୁରଲୀଧରନ ଭଳି ଚର୍ଚ୍ଚିତ ତାରକା ସେମାନଙ୍କର ଚମକପ୍ରଦ ଖେଳ ପ୍ରଦର୍ଶନ କରିବେ। ହେଲେ ବହୁ ଚର୍ଚ୍ଚିତ କ୍ରିକେଟ ତାରକାମାନଙ୍କୁ ଦେଖିବାକୁ ଦର୍ଶକମାନଙ୍କ ମଧ୍ୟରେ ସେତେଟା ଉତ୍ସାହ ନାହିଁ। ଅନ୍ତର୍ଜାତୀୟ କ୍ରିକେଟ ମ୍ୟାଚ୍ରେ ଗୋଟିଏ ଦିନରେ ଟିକେଟ୍ ବିକ୍ରି ହେଉଥିବା ବେଳେ ଏଲ୍ଏଲ୍ସି ପାଇଁ ସଂପୂର୍ଣ୍ଣ ଟିକେଟ୍ ବିକ୍ରି ହୋଇପାରିନାହିଁ। ମୋଟ ୮ ହଜାର ଟିକଟରୁ ଅଧା ବି ବିକ୍ରି ହୋଇନଥିବା ଜଣାପଡିଛି।
Sambad is now on WhatsApp
Join and get latest news updates delivered to you via WhatsApp
ଭିଲ୍ଵାର କିଙ୍ଗ୍ସ୍ ଦଳ: ଇର୍ଫାନ ପଠାନ, ସମିତ ପଟେଲ, ସେନ୍ ଵାଟସନ୍, ଟିମ୍ ବ୍ରେସନାନ୍, ୟୁସୁଫ ପଠାନ୍, ଫିଡେଲ ଏଡଵାର୍ଡ, ଟିନୋ ବେଷ୍ଟ୍, ସୁଦୀପ ତ୍ୟାଗୀ, ଶ୍ରୀଶାନ୍ତ, ନିକ୍ କମ୍ପଟନ୍, ଓଏସିସ୍ ସାହା, ୱିଲିୟମ୍ ପୋଟରଫିଲ୍ଡ, ମ୍ୟାଟ୍ ପ୍ରାୟର୍, ନମନ୍ ଓଝା, ମଣ୍ଟି ପାନେସର। ମଣିପାଲ ଟାଇଗର୍ସ ଦଳ: ଦିମିତ୍ରି ମାସକେରିନ୍ହାସ୍, ଲାନ୍ସ କ୍ଲୁଜିନର, ଭିଆର୍ଭି ସିଂହ, ରିଆନ୍ ସାଇଡ୍ବଟମ୍, ବ୍ରେଟ୍ ଲି, ପରବିନ୍ଦର ଆଵାନା, ମହମ୍ମଦ କୈଫ, ରିତେନ୍ଦ୍ର ସୋଢ଼ି, ପି ମଷ୍ଟାର୍ଡ, ରମେଶ କାଲୁବିତରଣା, ହରଭଜନ ସିଂହ, ମୁଥୟା ମୁରଲୀଧରନ।