କଟକ : ଅର୍ପିତ ଭାସବଡ଼ାଙ୍କ ଧୈର୍ଯ୍ୟପୂର୍ଣ୍ଣ ଶତକ ସାଙ୍ଗକୁ ଚେତେଶ୍ବର ପୂଜାରା, ଅଭି ବାରେତ ଓ ବିଶ୍ବରାଜ ସି˚ହ ଜାଦେଜାଙ୍କ ଅର୍ଧଶତକ ବଳରେ ସୌରାଷ୍ଟ୍ର ରାଜକୋଟରେ ଚାଲିଥିବା ରଣଜୀ ଟ୍ରଫି ଫାଇନାଲ୍ରେ ନିଜ ପ୍ରଥମ ପାଳିରେ ୪୨୫ ରନ୍ର ସମ୍ମାନଜନକ ସ୍କୋର୍ କରିନେଇଛି। ଏହାପରେ ବେଙ୍ଗଲ ତୃତୀୟ ଦିନର ଷ୍ଟମ୍ପ୍ସ ଅପସାରଣ ବେଳକୁ ତା’ ପ୍ରଥମ ପାଳିରେ ୩ ଵିକେଟ୍ ହରାଇ ୧୩୪ ରନ୍ କରିଛି। ସୁଦୀପ କୁମାର ଘରାମି ୨୬, ଅଭିମନ୍ୟୁ ଇଶ୍ବରନ୍ ୯, ମନୋଜ ତିଵାରୀ ୩୫ ରନ୍ରେ ଆଉଟ ହୋଇଥିଲା ବେଳେ ସୁଦୀପ ଚାଟାର୍ଜୀ ୪୭*, ରିଦ୍ଧିମାନ ଶାହା ୪* ରନ୍ରେ ଅପରାଜିତ ଅଛନ୍ତି। ଫଳରେ ହାତରେ ୭ ୱିକେଟ୍ ଥାଇ ବେଙ୍ଗଲ ଏବେ ବି ୨୯୧ ରନ୍ ପଛରେ ରହିଛି।
Sambad is now on WhatsApp
Join and get latest news updates delivered to you via WhatsApp
ଏଥିପୂର୍ବରୁ ସୋମବାର ସୌରାଷ୍ଟ୍ର ଟସ୍ ଜିତି ବ୍ୟାଟି˚ କରିଥିଲା। ହର୍ମିତ ଦେଶାଇ (୩୮) ଓ ଅଭି ବାରୋତ ପ୍ରଥମରୁ ଧୀମା ଖେଳି ୨୨୭ ବଲ୍ରୁ ୮୨ ରନ୍ ଯୋଡ଼ିଥିଲେ। ହର୍ମିତଙ୍କ ଵିକେଟ୍ ଯିବା ପରେ ଅଭି (୫୪) ଅର୍ଧଶତକ ପୂରଣ କରିଥିଲେ। ବିଶ୍ବରାଜ ସି˚ହ ଜାଦେଜା ମଧ୍ୟ ଧୀମା ଖେଳି ନିଜର ଅର୍ଧଶତକ (୫୪) ପୂରଣ କରିବା ପରେ ଆଉଟ ହୋଇଥିଲେ। ମଧ୍ୟକ୍ରମରେ ଅର୍ପିତ ଓ ଚେତେଶ୍ବର ପୂଜାରା ପାଳି ସମ୍ଭାଳିଥିଲେ। ଅର୍ପିତ ୧୦୬ ଓ ପୂଜାରା ୬୬ ରନ୍ରେ ନିଜ ଵିକେଟ୍ ହରାଇଥିଲେ। ଅବଶ୍ୟ ପୂଜାରା ଓ ଭାସବଡ଼ା ଷଷ୍ଠ ୱିକେଟ୍ରେ ୧୪୨ ରନ୍ ଯୋଡ଼ି ସ୍ଥିତି ଦୃଢ଼ କରିଥିଲେ। ଏହାପରଠୁ ଆଉ ବିଶେଷ ସହଯୋଗ ମିଳି ନଥିଲା ବେଳେ ୧୦ ଓ ୧୧ ନମ୍ବର ସ୍ଥାନରେ ଆସିଥିବା ଧର୍ମେନ୍ଦ୍ରସି˚ହ ଜାଦେଜା ୩୩* ଓ ଜୟଦେବ ଉନାଦକତ ୨୦ ରନ୍ କରିଥିଲେ। ଉଭୟ ଜାଦେଜା ଓ ଅଧିନାୟକ ଜୟଦେବ ଉନାଦ୍କଟ୍ ଶେଷ ୱିକେଟ୍ରେ ୩୮ ରନ୍ ଯୋଡ଼ିବାରୁ ଦଳ ୪୦୦ ରନ୍ ଅତିକ୍ରମ କରିଥିଲା। ବେଙ୍ଗଲ ପକ୍ଷରୁ ଆକାଶଦୀପ ୪, ଶାହାବାଜ ଅହମ୍ମଦ ୩, ମୁକେଶ କୁମାର ୨, ଇଶାନ ପୋରେଲ ୧ ଵିକେଟ୍ ନେଇଥଲେ।