ଅନ୍ତର୍ଜାତୀୟ ଟେନିସରୁ ସାନିଆ ମିର୍ଜାଙ୍କ ଅବସର ଘୋଷଣା
ହାଇଦ୍ରାବାଦ : ଭାରତୀୟ ଟେନିସ ତାରକା ସାନିଆ ମିର୍ଜା ଅନ୍ତର୍ଜାତୀୟ ଟେନିସରୁ ଅବସର ଘୋଷଣା କରିଛନ୍ତି । ଚଳିତ ଅନ୍ତର୍ଜାତୀୟ ସିଜିନ ତାଙ୍କର ଶେଷ ସିଜିନ ହେବ ବୋଲି ସେ କହିଛନ୍ତି । ଶରୀର ଆଉ
Sambad is now on WhatsApp
Join and get latest news updates delivered to you via WhatsApp
ଅଷ୍ଟ୍ରେଲିଆ ଓପନ ମହିଳା ଡବଲ୍ସର ପ୍ରଥମ ରାଉଣ୍ଡରୁ ସେ ବାଦ ପଡ଼ିବା ପରେ ଏହି ଘୋଷଣା କରିଛନ୍ତି । ସାନିଆ ଓ ଉଜବେକିସ୍ତାନର ନାଦିଆ କିଚେନକଙ୍କ ଯୋଡ଼ି ତମାରା ଜିନ୍ଦାନସେକ ଓ କାଜା ଜୁଭାନଙ୍କ ଯୋଡ଼ିଠାରୁ ୪-୬, ୬-୭ରେ ହାରିଯାଇଥିଲା ।
ସେ କହିଛନ୍ତି ଯେ ତାଙ୍କ ଶରୀର ଧୀରେ ଧୀରେ କ୍ଲାନ୍ତ ହେବାରେ ଲାଗିଛି । ତାଙ୍କ ଆଣ୍ଠୁ ଯନ୍ତ୍ରଣା ବଢିଚାଲିଛି, କିନ୍ତୁ ତାହାର ଉପଶମ ପାଇଁ ସମୟ ଲାଗୁଛି । ପୁଣି ୩ ବର୍ଷର ଶିଶୁପୁତ୍ରକୁ ଧରି ବାରମ୍ବାର ବିଭିନ୍ନ ଯାତ୍ରା କରିବା ଦ୍ବାରା ତାହାର ନିରାପତ୍ତା ପ୍ରତି ବିପଦ ସୃଷ୍ଟି ହେଉଛି । ପୂର୍ବ ପରି ଶରୀରରେ ଆଉ ସେପରି ଶକ୍ତି ନାହିଁ । ଆଉ ଖେଳିବାକୁ ସେ ଉପଭୋଗ କରୁନାହାନ୍ତି, ଏଣୁ ଅବସର ନେବାର ସମୟ ଆସିଯାଇଛି ବୋଲି ସେ କହିଛନ୍ତି । ତେବେ ଗତ ବର୍ଷ ଶେଷ ବେଳକୁ ସେ ଅବସର ନିଷ୍ପତ୍ତି ନେଇଥିଲେ ବୋଲି କହିଛନ୍ତି ।
୩୫ ବର୍ଷୀୟ ସାନିଆ ଏବେ ବିଶ୍ବର ୬୮ ନମ୍ବର ମାନ୍ୟତା ପ୍ରାପ୍ତ ଟେନିସ ଖେଳାଳୀ । ନିଜ କ୍ୟାରିୟରରେ ସେ ୨୭ତମ ବିଶ୍ବ ମାନ୍ୟତାରେ ମଧ୍ୟ ପହଞ୍ଚିପାରିଥିଲେ । ସେହିପରି ଡବଲ୍ସରେ ସେ ବିଶ୍ବର ନଂ୧ ମାନ୍ୟତା ମଧ୍ୟ ପାଇପାରିଥିଲେ ।