ଟି-୨୦ ବିଶ୍ବକପ୍: ପାକିସ୍ତାନ ବିପକ୍ଷରେ ଭାରତର ଅଭିଯାନ
ଅକ୍ଟୋବର ୨୪ରେ ଦୁବାଇରେ ମୁହାଁମୁହିଁ
ଦୁବାଇ: ଟି-୨୦ ବିଶ୍ବକପ୍ ଲାଗି ମଙ୍ଗଳବାର ଆଇସିସି ସୂଚୀ ଘୋଷିତ କରିଛି। ଅକ୍ଟୋବର ୨୪ରେ ଦୁବାଇରେ ଭାରତ ତା’ର ଚିରପ୍ରତିଦ୍ବନ୍ଦ୍ବୀ ପାକିସ୍ତାନ ବିପକ୍ଷରୁ ଟି-୨୦ ବିଶ୍ବକପ୍ ଅଭିଯାନ ଆରମ୍ଭ କରିବ। ଏହା ପରେ ୩୧ ତାରିଖରେ ଭାରତ ନିଜର ଦ୍ବିତୀୟ ମ୍ୟାଚ୍ ଦୁବାଇରେ ନ୍ୟୁଜିଲାଣ୍ଡ ଏବଂ ନଭେମ୍ବର ୩ରେ ଆଫଗାନିସ୍ତାନ (ଆବୁଧାବି) ବିପକ୍ଷରେ ଖେଳିବ। ଅବଶିଷ୍ଟ ସୁପର-୧୨ର ଦୁଇ ମ୍ୟାଚ୍ ଦୁବାଇରେ ନଭେମ୍ବର ୫ ଓ ୮ ତାରିଖରେ ଗ୍ରୁପ୍-ବି’ ବିଜେତା ଏବଂ ଗ୍ରୁପ୍-ଏ’ ଉପବିଜେତାକୁ ଭେଟିବ।
Sambad is now on WhatsApp
Join and get latest news updates delivered to you via WhatsApp
ପ୍ରତିଯୋଗିତାର ପ୍ରଥମ ରାଉଣ୍ଡ ମ୍ୟାଚ୍ ଅକ୍ଟୋବର ୧୭ରେ ଓମାନରେ ଆରମ୍ଭ ହେବ। ଉଦ୍ଘାଟନୀ ଦିବସରେ ଆୟୋଜକ ଦଳ ସହ ପପୁଆ ନ୍ୟୁ ଗିନି ଏବଂ ବାଂଲାଦେଶ ଓ ସ୍କଟଲାଣ୍ଡ ମଧରେ ମ୍ୟାଚ୍ ଖେଳାଯିବ। ଗ୍ରୁପ୍-ଏ’ରେ ୨୦୧୪ ବିଜେତା ଶ୍ରୀଲଙ୍କା, ଆୟର୍ଲାଣ୍ଡ ଓ ନାମ୍ବିଆ ଏବଂ ଗ୍ରୁପ୍-ବି’ରେ ବାଂଲାଦେଶ, ସ୍କଟଲାଣ୍ଡ, ପପୁଆ ନ୍ୟୁ ଗିନି ଓ ଓମାନ ରହିଛନ୍ତି। ଏହି ପ୍ରତ୍ୟେକ ଗ୍ରୁପ୍ର ଶେଷ୍ଠ ଦୁଇ ଦଳ ସୁପର-୧୨କୁ ଯୋଗ୍ୟତା ଅର୍ଜନ କରିବେ। ସୁପର-୧୨ ହେଉଛି ପ୍ରତିଯୋଗିତାର ଦ୍ବିତୀୟ ରାଉଣ୍ଡ ଏବଂ ଏଥିରେ ମଧ୍ୟ ଦୁଇଟି ଗ୍ରୁପ୍ ରହିଛି। ଏହି ଦ୍ବିତୀୟ ରାଉଣ୍ଡ ଅକ୍ଟୋବର ୨୩ରୁ ଆରମ୍ଭ ହେବ। ଉଦ୍ଘାଟନୀ ଦିବସରେ ଅଷ୍ଟ୍ରେଲିଆ ଓ ଦକ୍ଷିଣ ଆଫ୍ରିକା (ଆବୁଧାବି) ଏବଂ ଇଂଲଣ୍ଡ ଓ ଦୁଇ ଥରର ବଜେତା ୱେଷ୍ଟ୍ଇଣ୍ଡିଜ୍ (ଦୁବାଇ) ମୁହାଁମୁହିଁ ହେବେ। ପ୍ରଥମ ସେମିଫାଇନାଲ୍ ଆବୁଧାବିରେ ନଭେମ୍ବର ୧୦ରେ ଏବଂ ଦ୍ବିତୀୟ ସେମିଫାଇନାଲ୍ରେ ଦୁବାଇରେ ନଭେମ୍ବର ୧୧ରେ ଖେଳାଯିବ। ଫାଇନାଲ୍ ମ୍ୟାଚ୍ ଦୁବାଇରେ ନଭେମ୍ବର ୧୪ରେ ଖେଳାଯିବ।