ମହିଳା ଟ୍ବେଣ୍ଟି-୨୦ ଚାଲେଞ୍ଜର୍ ଟ୍ରଫି: ଶେଫାଳିଙ୍କ ଧୂଆଁଧାର ବ୍ୟାଟି˚, ଭାରତ ସି’ର ବିଜୟ
କଟକ: ଭାରତୀୟ ମହିଳା ଟ୍ବେଣ୍ଟି-୨୦ ଦଳର ନବାଗତ ପ୍ରାରମ୍ଭିକ ଖେଳାଳି ଶେଫାଳି ବର୍ମାଙ୍କ ଧୂଆଁଧାର ବ୍ୟାଟି˚ ଯୋଗୁଁ ବାରବାଟୀ ଷ୍ଟାଡିୟମ୍ରେ ଚାଲିଥିବା ମହିଳା ଚାଲେଞ୍ଜର୍ ଟ୍ରଫିରେ ଭାରତ ସି’ ପ୍ରଥମ ବିଜୟ ପାଇଛି। ଭାରତ ଏ’ ବିପକ୍ଷରେ ଖେଳାଯାଇଥିବା ଏହି ମ୍ୟାଚରେ ଭାରତ ସି’ ବ୍ୟାଟି˚ ଆରମ୍ଭ କରିଥିଲାବେଳେ ୧୨୩ ରନ୍ ସ˚ଗ୍ରହ କରିଥିଲା। କିନ୍ତୁ ଭାରତ ଏ’ ନିର୍ଧାରିତ ଓଭର ସୁଦ୍ଧା ୬ ଵିକେଟ ବିନିମୟରେ ୧୧୩ ରନ୍ କରିବାକୁ ସକ୍ଷମ ହୋଇଥିଲା। ଅଲରାଉଣ୍ତର ଦୀପ୍ତି ଶର୍ମା ଶେଷ ପର୍ଯ୍ୟନ୍ତ ଦଳକୁ ଜିତାଇବା ପାଇଁ ଉଦ୍ୟମ କରିଥିଲେ ସୁଦ୍ଧା ବିଫଳ ହୋଇଥିଲେ। ମଙ୍ଗଳବାର ଭାରତ ଏ’ ଓ ଭାରତ ବି’ ମଧ୍ୟରେ ପରବର୍ତ୍ତୀ ମ୍ୟାଚ ଖେଳାଯିବ।
Sambad is now on WhatsApp
Join and get latest news updates delivered to you via WhatsApp
ରବିବାର ଭାରତ ବି’ ପାଖରୁ ପରାଜିତ ହେବା ପରେ ଭାରତ ସି’ ପଏଣ୍ଟ ଖାତା ଖୋଲିବା ଲକ୍ଷ୍ୟରେ ଥିଲା। ତେଣୁ ସୋମବାର ବେଦ କ୍ରୀଷ୍ଣମୂର୍ତ୍ତି ଟସ୍ ଜିତିବା ପରେ ବ୍ୟାଟି˚ କରିବାକୁ ନିଷ୍ପତ୍ତି ନେଇଥିଲେ। ବ୍ୟାଟି˚ ଉପଯୋଗୀ ପିଚ୍ରେ ଆରମ୍ଭରୁ ୟସ୍ତିକା ଭାଟିଆ (୧୮) ଓ ଶେଫାଳି ବର୍ମା (୩୮) ଏହାର ଭରପୂର ଫାଇଦା ଉଠାଇ ଆରମ୍ଭରୁ ଆକ୍ରମଣ ଆରମ୍ଭ କରିଦେଇଥିଲେ। ଉଭୟ ପ୍ରଥମ ଵିକେଟରେ ୭ ଓଭରରେ ୫୮ ରନ୍ ଯୋଡ଼ିଥିଲେ। ୟଶିତା ୨୧ ବଲ୍ରୁ ୩ଚୌକା ସହ ୧୮ ରନ୍ ଓ ଶେଫାଳି ୨୪ ବଲ୍ରୁ ୭ଚୌକା ଓ ୧ ଛକା ସହ ୩୮ ରନ୍ ସ˚ଗ୍ରହ କରିଥିଲେ। ନୂଜହତ ପରବିନ ୧୦, ଅଧିନାୟିକା ବେଦା କ୍ରୀଷ୍ଣମୂର୍ତ୍ତି ୧୭, ଅରୁନ୍ଧତି ରେଡ୍ଡି ୯ ଓ ମନାଲି ଦକ୍ଷିଣି ଖାତା ଖୋଲିବା ଆଗରୁ ଆଉଟ ହୋଇଯାଇଥିଲେ। ମଧ୍ୟକ୍ରମରେ ବ୍ୟାଟି˚ କରିବାକୁ ଆସିଥିବା ଡି.ହେମଲତା ଶେଷ ପର୍ଯ୍ୟନ୍ତ ଗୋଟିଏ ପଟରୁ ସ˚ଘର୍ଷ କରି ଦଳକୁ ସମ୍ମାନଜନକ ସ୍ଥିତିରେ ପହଞ୍ଚାଇଥିଲେ। ପାଳି ଶେଷ ହେବା ବେଳକୁ ହେମଲତା ୨୫ ବଲ୍ରୁ ୨ ଚୌକା ସହ ୨୪ ରନ୍ ସ˚ଗ୍ରହ କରି ଅପରାଜିତ ଥିଲେ। ଭାରତ ଏ’ ପକ୍ଷରୁ ଦୀପ୍ତି ଶର୍ମା ୨, ରାଧା ଯାଦବ ୧, ଶେହ ରଣା ୧, ମାନସି ଯୋଶୀ ୧, ଦେବିକା ବୈଦ୍ୟ ୧ ଵିକେଟ ନେଇଥିଲେ। ୧୨୪ରନ୍ର ଲକ୍ଷ୍ୟକୁ ପିଛା କରି ଇଣ୍ତିଆ ଏ’ ଆରମ୍ଭରୁ ଜସିଆ ଅଖତର (୯) ଙ୍କ ରୂପରେ ପ୍ରଥମ ଝଟ୍କା ପାଇଥିଲା। ଏହାପରେ ପ୍ରିୟା ପୁନିଆ ଓ ମିନୁ ମଣି ଟିକେ ଧିମା ଖେଳିଥିଲାବେଳେ ଦଳୀୟ ରନ୍କୁ ୫୦ ଛୁଆଁଇଥିଲେ। ୧୦ ଓଭରରେ ଦଳ ୫୦ ରନ୍ରେ ପହଞ୍ଚିବା ପରେ ପ୍ରିୟା ୨୫ ଓ ମିନୁ ୧୦ ରନ୍ରେ ଆଉଟ ହୋଇଥିଲେ। ପାଳିର ଅଧା ସମୟ ଚାଲିଯିବା ପରେ ଭାରତ ସି’ର କ୍ଷେତ୍ରରକ୍ଷଣ ପାଇଁ ଏ’ ଦଳର ରନ୍ ହାର ଆଉ ବଢିପାରିନଥିଲା। ପର୍ଯ୍ୟାୟକ୍ରମେ ହରମନପ୍ରୀତ କୌର ୧୩, ଶେହ ରଣା ୬, ରାଧା ଯାଦବ ୨ ରନ୍ କରି ଆଉଟ ହୋଇଥିଲେ। ରନ୍ ଗତି ବଢାଇବା ପାଇଁ ଦୀପ୍ତି ଶର୍ମା ଶେଷ ଆଡ଼କୁ ଆକ୍ରମଣ ଆରମ୍ଭ କରିଥିଲେ ବି ସେତେବେଳକୁ ଡେରି ହୋଇଯାଇଥିଲା। ତଥାପି ଖେଳ ଶେଷ ହେବା ବେଳକୁ ଦୀପ୍ତି ୨୯ ବଲ୍ରୁ ୩ ଚୌକା ସହ ୩୪ ରନ୍ ସ˚ଗ୍ରହ କରିଥିଲେ। ବିଜୟୀ ଦଳର ମନାଲି ଦକ୍ଷିଣି, ଡି.ହେମଲତା, ତନୁଶ୍ରୀ ସରକାର, ରାଜେଶ୍ବରୀ ଗାଏକଵାଡ, ଅରୁନ୍ଧତି ରେଡ୍ଡି ପ୍ରତ୍ୟେକ ୧ ଵିକେଟ ଲେଖାଏ ନେଇଥିଲେ।