ହୀରାକୁଦର ୫ ଗେଟ୍ ବନ୍ଦ ହେଲା, ୫ ଖୋଲା
ସମ୍ବଲପୁର : ସୋମବାର ଏକାଧିକ ପର୍ଯ୍ୟାୟରେ ହୀରାକୁଦ ବନ୍ଧର ୫ଟି ଗେଟ୍ ବନ୍ଦ କରାଯାଇଛି। ସକାଳ ୯ଟା ପର୍ଯ୍ୟନ୍ତ ୧୦ଟି ଗେଟ୍ ଖୋଲା ଥିଲାବେଳେ ୯ଟାରୁ ୧୧ଟା ମଧ୍ୟରେ ୩ଟି, ୪ଟା ୩୦ ପୂର୍ବରୁ ଆଉ ୨ଟି ଗେଟ୍ ବନ୍ଦ କରା ଯାଇଥିଲା। ସଂଧ୍ୟା ୬ଟା ବେଳେ ଜଳସ୍ତର ୬୨୫.୭୫ ଫୁଟ୍ ଥିଲାବେଳେ ୫ଟି ସ୍ଲୁଇସ୍ ଗେଟ୍ ଖୋଲା ରହିଥିଲା। ଜଳଭଣ୍ଡାର ମଧ୍ୟକୁ ସେକେଣ୍ଡ ପ୍ରତି ୧, ୧୧, ୭୯୦ ଘନଫୁଟ୍ ପାଣି ପ୍ରବେଶ କରୁଥିଲାବେଳେ ବିଭିନ୍ନ ମାର୍ଗ ଦେଇ ୯୫, ୦୫୨ କ୍ୟୁସେକ୍ ପାଣି ନିଷ୍କାସିତ ହେଉଥିଲା। ଗତ ୨୪ ଘଣ୍ଟା ମଧ୍ୟରେ ହୀରାକୁଦ ଉପର ମୁଣ୍ଡରେ ଆଦୌ ବର୍ଷା ହୋଇ ନଥିବା ବେଳେ ତଳ ମୁଣ୍ଡରେ ୦.୩୯ ମିଲିମିଟର ବର୍ଷା ହୋଇଥିବା ପାଣି ପାଗ ବିଭାଗ ସୂତ୍ରରୁ ପ୍ରକାଶ।