ରାଉରକେଲା: ରାଉରକେଲା ଅବକାରୀ ପୁଲିସକୁ ପୁଣି ଏକ ବଡ଼ ଧରଣର ସଫଳତା ମିଳିଛି। ବେନିୟମଭାବେ ଚାଲିଥିବା ଦେଶୀ ମଦ ରନ୍ଧାଶାଳରେ ଅତର୍କିତ ଚଢ଼ଉ କରି ବିପୁଳ ପରିମାଣରର ଦେଶୀ ମଦ ଓ ମହୁଲ ପୋଚ ଜବତ କରିଛି। ଆଜି ପୂର୍ବାହ୍ନରେ ଅବକାରୀ ପୁଲିସ ସଦଳବଳ ବିଶ୍ରା ଥାନା ଅନ୍ତର୍ଗତ କେମାଙ୍ଗଠାରେ ପହଞ୍ଚିଥିଲା। ପୂର୍ବ ସୂଚନାକୁ ଭିତ୍ତିକରି ଦେଶୀ ମଦ ରନ୍ଧାଶାଳରେ ପହଞ୍ଚିଥିଲା। ସେଠାରେ ରନ୍ଧା ସରିଥିବା ୫୨୦ ଲିଟର ଦେଶୀ ମଦ ଓ ମଦ ତିଆରିବାରେ ବ୍ୟବହୃତ ୨୨ ହଜାର ୩ ଶହ କେଜି ମହୁଲପୋଚକୁ ଜବତ କରିଛି। ମହୁଲପୋଚକୁ ଘଟଣାସ୍ଥଳରେ ନଷ୍ଟ କରିଦିଆଯାଇଥିଲା। ଏହାସହ ଦେଶୀ ମଦ ବେପାରୀଙ୍କଏକ ସ୍କୁଟି(ଓଡି-୧୪-ପି-୬୪୦୮) ଜବତ ହୋଇଛି। ତେବେ ଅବକାରୀ ପୁଲିସକୁ ଦେଖି ଅଭିଯୁକ୍ତମାନେ ଚମ୍ପଟ୍ ମାରିବାରେ ସଫଳ ହୋଇଥିଲେ। ଅବକାରୀ ଇନ୍ସପେକ୍ଟର ସ୍ନେହଲତା ନାୟକଙ୍କ ପ୍ରତ୍ୟକ୍ଷତତ୍ତ୍ବାବଧାନରେ ଅନୁଷ୍ଠିତ ଚଢ଼ଉରେ ଅବକାରୀ ସବଇନ୍ସପେକ୍ଟର ଶ୍ରୀଧର ମହାନ୍ତିଙ୍କ ସମେତ ଅନ୍ୟ ଅଧିକାରୀ, କର୍ମଚାରୀ, ବିଶ୍ରା ପୁଲିସ ସାମିଲ ଥିଲେ।