କନ୍ଧମାଳରେ ପୁଣି ମାଓ ପୋଷ୍ଟର
ଫୁଲବାଣୀ : କନ୍ଧମାଳରେ ଦ୍ବିତୀୟ ପର୍ଯ୍ୟାୟ ନିର୍ବାଚନ ପାଇଁ ପ୍ରସ୍ତୁତି ଚାଲିଥିବା ବେଳେ ପୁଣି ପୋଷ୍ଟର ମାରି ମାଓବାଦୀ ସେମାନଙ୍କ ଉପସ୍ଥିତି ଜାହିର୍ କରିଛନ୍ତି। ଫିରିଙ୍ଗିଆ ବ୍ଳକ ସାଡିଙ୍ଗିଆ ପଞ୍ଚାୟତରେ ବିଭିନ୍ନ ଗାଁ ଓ ଗଛରେ ସିପିଆଇ କେକେବିଏନ ସଂଗଠନ ନାମରେ ପୋଷ୍ଟର ମରାଯାଇ ଭୋଟ ବର୍ଜନ କରିବାକୁ ଏଥିରେ ଆହ୍ବାନ୍ ଦିଆଯାଇଛି। ଗଲା ୨ରୁ ୩ ଦିନ ହେଲା ଏଠାରେ ପୋଷ୍ଟର ମରାଯାଇଥିଲେ ବି ପୁଲିସ ପହଞ୍ଚି ନଥିବାରୁ ସ୍ଥାନୀୟ ଅଞ୍ଚଳବାସୀ ଆତଙ୍କିତ ହୋଇ ରହିଛନ୍ତି। ଅନ୍ୟପକ୍ଷରେ ରାଜନୈତିକ ଉଦ୍ଦେଶ୍ୟ ରଖି କିଛି ଖଳ ପ୍ରକୃତିର ଲୋକ ଏଭଳି ପୋଷ୍ଟର ମାରି ଥାଇପାରନ୍ତି ବୋଲି ଚର୍ଚ୍ଚା ହେଉଛି।