ଏମ୍ବିବିଏସ, ବିଡିଏସ୍ ସିଟ୍ରେ ନାମଲେଖା ପ୍ରକ୍ରିୟା ଆରମ୍ଭ
ଭୁବନେଶ୍ୱର : ସର୍ବଭାରତୀୟ କୋଟାରେ ଏମ୍ବିବିଏସ୍ ଓ ବିଡିଏସ୍ ସିଟ୍ରେ ନାମ ଲେଖାଇବା ପାଇଁ ପ୍ରକ୍ରିୟା ଆରମ୍ଭ ହୋଇଯାଇଛି। ଛାତ୍ରଛାତ୍ରୀମାନେ ୧୮ ତାରିଖ ଅପରାହ୍ଣ ୫ଟା ପର୍ଯ୍ୟନ୍ତ ନିଜ ନାମ ପଞ୍ଜୀକରଣ କରାଇପାରିବେ। ୧୯ ତାରିଖ ଦିନ ୧୦ଟାରୁ ଅପରାହ୍୍ଣ ୫ଟା ପର୍ଯ୍ୟନ୍ତ ଚଏସ୍ ଫିଲିଂ ଓ ଲକିଂ କରିହେବ। ଜୁନ୍ ୨୦ ଓ ୨୧ ତାରିଖରେ ସିଟ୍ ଆଲଟମେଣ୍ଟ୍ ପ୍ରକ୍ରିୟା ଜାରି ରହିବ। ଜୁନ୍ ୨୨ରେ ରେଜଲ୍ଟ୍ ବାହାରିବା ସହ ୨୩ ତାରିଖରୁ ଜୁଲାଇ ୩ ସୁଦ୍ଧା ଛାତ୍ରଛାତ୍ରୀମାନେ ମେଡିକାଲ୍ କଲେଜଗୁଡ଼ିକରେ ରିପୋର୍ଟିଂ କରିପାରିବେ।
Sambad is now on WhatsApp
Join and get latest news updates delivered to you via WhatsApp
ପ୍ରଥମ ପର୍ଯ୍ୟାୟ ମେଡିକାଲ୍ କାଉନ୍ସେଲିଂ ପରେ ସର୍ବଭାରତୀୟ କୋଟାରେ ଖାଲି ପଡ଼ିଥିବା ସିଟ୍ଗୁଡ଼ିକରେ ନାମ ଲେଖିବା ପାଇଁ ଜୁଲାଇ ୬ରୁ ୮ତାରିଖ ପର୍ଯ୍ୟନ୍ତ ଦ୍ଵିତୀୟ ପର୍ଯ୍ୟାୟ ପଞ୍ଜୀକରଣ ଆରମ୍ଭ ହେବ। ଜୁଲାଇ ୯ ତାରିଖ ଦିନ ୧୦ଟାରୁ ଅପରାହ୍ଣ ୫ଟା ପର୍ଯ୍ୟନ୍ତ ଚଏସ୍ ଫିଲିଂ ଓ ଲକିଂ କରିହେବ। ଜୁଲାଇ ୧୦ ଓ ୧୧ ତାରିଖରେ ସିଟ୍ ଆଲଟମେଣ୍ଟ୍ ପ୍ରକ୍ରିୟା ହେବା ସହିତ ଜୁଲାଇ ୧୨ରେ ରେଜଲ୍ଟ୍ ବାହାରିବ।