ଅମାନିଆ ଚାଳକଙ୍କୁ ବୁଝାଇବାକୁ ଛାତ୍ରଛାତ୍ରୀଙ୍କ ଭିନ୍ନ ପ୍ରୟାସ, ନବୀନ ଜଣାଇଲେ ଅଭିନନ୍ଦନ
ଭୁବନେଶ୍ୱର/ନୟାଗଡ: ଟ୍ରାଫିକ ନିୟମ ନ ମାନି ଗାଡି ଚଳାଉଥିବା ଅମାନିଆ ଚାଳକଙ୍କ ପାଇଁ ଏକ ଭିନ୍ନ ଧରଣର ଭିଡିଓ ପ୍ରସ୍ତୁତ କରିଛନ୍ତି କିଛି ସ୍କୁଲ ଛାତ୍ରଛାତ୍ରୀ | ହେଲମେଟ ନ ପିନ୍ଧି ରାସ୍ତାରେ ଯାଉଥିବା ବାଇକ ଚାଳକ ହୁଅନ୍ତୁ କି ନିଶାସକ୍ତ ଅବସ୍ଥାରେ ଗାଡି ଚଳାଉଥିବା ବ୍ୟକ୍ତିଙ୍କୁ ବୁଝାଇଛନ୍ତି ନୟାଗଡ ନୋଟରରେ ଥିବା ଓଡ଼ିଶା ଆଦର୍ଶ ବିଦ୍ୟାଳୟର ଛାତ୍ରଛାତ୍ରୀ | ଡ୍ରାଇଭିଙ୍ଗ ଲାଇସେନ୍ସ କରିବା ପରେ ହେଲମେଟ ପିନ୍ଧନ୍ତୁ, ନିଶାସକ୍ତ ଅବସ୍ଥାରେ ଗାଡି ନ ଚଳାଇବା, ରଙ୍ଗ ରୁଟରେ ଗାଡି ନ ଚଳାଇବା ସହ ଗୋଟିଏ ବାଇକରେ ତିନି ଜଣ ନ ଯିବା, ଗାଡି ଚାଲାଣ ବେଳେ ମୋବାଇଲରେ ନ ଗପିବା ,ସିଟବେଲ୍ଟ ପିନ୍ଧିବା, ଟ୍ରାଫିକ ପୋଷ୍ଟରେ ଲାଗିଥିବା ନାଲି ବତୀକୁ ଅତିକ୍ରମ ନ କରିବା, ଛୋଟ ପିଲାଙ୍କୁ ଗାଡି ନ ଦେବା ଭଳି ବାର୍ତ୍ତା ଦେଇଛନ୍ତି |
Sambad is now on WhatsApp
Join and get latest news updates delivered to you via WhatsApp
Congratulate Odisha Adarsha Vidyalaya, Notar, Nayagarh on winning first prize in the online idea competition during #RoadSafetyWeek2020. Appreciate the effort of our students to spread traffic awareness so lucidly to protect precious lives.#NationalRoadSafetyMonth@OAVS_Official pic.twitter.com/A5GTxfJdCP
— Naveen Patnaik (@Naveen_Odisha) January 20, 2021
ଟ୍ରାଫିକ ନିୟମ ମାନିବାକୁ ଛାତ୍ରଛାତ୍ରୀ ଏହି ଭିଡିଓ ମାଧ୍ୟମରେ ଜନସାଧାରଣଙ୍କୁ ଅନୁରୋଧ କରିଛନ୍ତି | ଟ୍ରାଫିକ ସମ୍ପର୍କିତ ଗୀତ ସାଙ୍ଗକୁ ଛାତ୍ରଛାତ୍ରୀଙ୍କ ସଚେତନତା ବାର୍ତ୍ତାକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପ୍ରଶଂସା କରିବା ସହ ଅଭିନନ୍ଦନ ଜଣାଇଛନ୍ତି | ସୂଚନା ଥାଉ କି ସଡକ ସୁରକ୍ଷା ସପ୍ତାହ ୨୦୨୦ ପାଳନ ଅବସରରେ ଆୟୋଜିତ ପ୍ରତିଯୋଗିତାରେ ନୟାଗଡ଼ର ଏହି ଛାତ୍ରଛାତ୍ରୀଙ୍କ ଭିଡିଓ ପ୍ରଥମ ସ୍ଥାନ ଅଧିକାର କରିଥିଲା |