ପୃଥ୍ବୀରାଜଙ୍କୁ ଜବାବ ଦେଲେ ସୁଲତା: ମିଥ୍ୟା ଓ ଶସ୍ତା ରାଜନୀତି ଛାଡ଼ନ୍ତୁ
ଭୁବନେଶ୍ବର : ପୃଥ୍ବୀରାଜ ହରିଚନ୍ଦନଙ୍କ ଟୁଇଟ୍ର ଜବାବ ଦେଇ ବିଜେଡି ମୁଖପାତ୍ର ସୁଲତା ଦେଓ ମିଥ୍ୟା ଓ ଶସ୍ତା ରାଜନୀତି ଛାଡ଼ିବାକୁ ଆହ୍ବାନ ଦେଇଛନ୍ତି। ଟୁଇଟ୍ କରି ସେ କହିଛନ୍ତି ଯେ ପୃଥ୍ବୀରାଜ ଭାଇ, ଆପଣ ଲୋକଙ୍କ ପ୍ରସଙ୍ଗ କେବେ ଉଠାନ୍ତି ନାହିଁ କି ଲୋକଙ୍କ ସହିତ ମଧ୍ୟ ନାହାନ୍ତି। ଅପରାଧକୁ ନେଇ ଏଭଳି ରାଜନୀତିକରଣ ଓ ମିଥ୍ୟା ଅଭିଯୋଗ କରିବାରୁ ଆପଣଙ୍କୁ ଓଡ଼ିଶାବାସୀ ଜିଲ୍ଲା ପରିଷଦ ନିର୍ବାଚନରେ ପରାସ୍ତ କଲେ ଓ ଏବେ ପୌର ନିର୍ବାଚନରେ ପରାସ୍ତ କରିବାକୁ ଯାଉଛନ୍ତି। ତଥାପି ଆପଣ ଶିଖୁ ନାହାନ୍ତି।
Sambad is now on WhatsApp
Join and get latest news updates delivered to you via WhatsApp
ପୃଥ୍ବୀରାଜଙ୍କ ଉଦ୍ଦେଶ୍ୟରେ ଶ୍ରୀମତୀ ଦେଓ ଆହୁରି କହିଛନ୍ତି ଯେ ଆପଣ ନିଜେ କର୍ପୋରେଟର୍, ବିଧାୟକ ଓ ସାଂସଦ ଆଦି ଯେ କୌଣସି ନିର୍ବାଚନ ଲଢ଼ିଛନ୍ତି ଆପଣ ପରାସ୍ତ ହୋଇଛନ୍ତି। ଅପରାଧକୁ ନେଇ ଆପଣ ଏମିତି ରାଜନୀତିକରଣ ଓ ମିଥ୍ୟା ଅଭିଯୋଗ କରିଚାଲିଲେ ଓଡ଼ିଶାବାସୀ ମଧ୍ୟ ଏମିତି ଆପଣଙ୍କୁ ପରାସ୍ତ କରୁଥିବେ। ସମୟ ଥାଉ ଥାଉ ଓଡ଼ିଶାବାସୀଙ୍କ ମନୋଭାବ ବୁଝନ୍ତୁ। ମିଥ୍ୟା ଓ ଶସ୍ତା ରାଜନୀତି ଛାଡ଼ନ୍ତୁ।