ଟ୍ରକ୍-କାର୍ ଧକ୍କା: ୨ ମୃତ
ଛେଣ୍ଡିପଦା : ୫୫ ନମ୍ବର ଜାତୀୟ ରାଜପଥରେ ଜରପଡା ଥାନା କତଡା ଗାଁ ମୁଣ୍ଡରେ ଆଜି ସଂଧ୍ୟା ସାଢ଼େ ୫ଟାବେଳେ ଏକ କଂକ୍ରିଟ ମିକ୍ସର ଟ୍ରକ୍ ଓ ଗୋଟିଏ କାର୍ ମୁହାଁମୁହିଁ ଧକ୍କା ହୋଇଛି। ଫଳରେ କାର୍ରେ ଯାଉଥିବା ୨ ଯାତ୍ରୀଙ୍କର ପ୍ରାଣହାନି ଘଟିଛି। କାର୍ ଚାଳକ ଗୁରୁତର ଆହତ ହୋଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ପୁଲିସ ସୂତ୍ରରୁ ପ୍ରକାଶ, ସମ୍ବଲପୁର ଆଡ଼ୁ ଅନୁଗୁଳ ଅଭିମୁଖେ ଏକ କଂକ୍ରିଟ ମିକ୍ସର ଟ୍ରକ୍ ଯିବାବେଳେ ଭୁବନେଶ୍ୱରରୁ ସୋନପୁର ଅଭିମୁଖେ ଯାଉଥିବା ଏକ ପାଜେରୋ କାର୍ (ଓଡ଼ି୦୩ଇ-୦୦୩୩) ସହ ମୁହାଁମୁହିଁ ଧକ୍କା ହୋଇଥିଲା। ଉଭୟ ଗାଡି ଓଲଟିପଡ଼ିଥିଲା। ଦୁର୍ଘଟଣାରେ କାରରେ ଥିବା ସୋନପୁରର ଶ୍ରୀକାନ୍ତ ମହାନ୍ତି(୪୦) ଓ ଚନ୍ଦ୍ରଶେଖର ମହାପାତ୍ର(୫୧)ଙ୍କର ଘଟଣାସ୍ଥଳରେ ମୃତ୍ୟୁ ଘଟିଛି l କାର୍ ଚାଳକ ସୁଶାନ୍ତ ମହାରଣା (୩୦) ଗୁରୁତର ଆହତ ହୋଇଛନ୍ତି। ତାଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି। ପୁଲିସ ଦୁର୍ଘଟଣାଗ୍ରସ୍ତ ଗାଡ଼ି ଓ ମୃତଦେହ ଜବତ କରି ଏ ସଂପର୍କରେ ତଦନ୍ତ ଚଳାଇଛି। ଦୁର୍ଘଟଣା ପରେ କଂକ୍ରିଟ ମିକ୍ସର ଟ୍ରକ୍ ଚାଳକ ଫେରାର ହୋଇଛି l