ଦେବାଳିଆ ସ୍ଥିତିରେ ବିଏସଏନଏଲ, ସହାୟତା ପାଇଁ ପ୍ରଧାନମନ୍ତ୍ରୀଙ୍କ ହସ୍ତକ୍ଷେପ ଲୋଡିଲା କର୍ମଚାରୀ ସଂଘ
ନୂଆଦିଲ୍ଲୀ : ଦେବାଳିଆ ସ୍ଥିତିରେ ପହଞ୍ଚିଗଲାଣି ସରକାରଙ୍କ ମାଲିକାନାରେ ଥିବା ଟେଲିକମ କମ୍ପାନି ବିଏସଏନଏଲ । କମ୍ପାନିର କ୍ଷତି ବଢିଚାଲିଥିବାରୁ କମ୍ପାନି ଏବେ ନିଜ କର୍ମଚାରୀଙ୍କ ମାସିକ ଦରମା ପ୍ରଦାନ କରିବାକୁ ମଧ୍ୟ ଅକ୍ଷମ ହୋଇପଡିଛି । ଏପରି ସଂକଟ ସମୟରେ କମ୍ପାନିର କର୍ମଚାରୀମାନେ ସରକାରଙ୍କ ସହାୟତା ପାଇଁ ନିବେଦନ କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
କମ୍ପାନିର ଅର୍ଥ ସଂକଟ ଦୂର ପାଇଁ ବିଏସଏନଏଲର ଗ୍ରାଜୁଏଟ ଇଂଜିନିୟର୍ସ ଏଣ୍ଡ ଟେଲିକମ ଅଫିସର୍ସ ଆସୋସିଏସନ୍ସ (ଏଆଇଜିଇଟିଓଏ) ପକ୍ଷରୁ ଗତ ୧୮ ତାରିଖରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଏକ ପତ୍ର ଲେଖି ନିବେଦନ କରାଯାଇଛି । ବିଏସଏନଏଲର ମୋଟ କ୍ଷତି ପରିମାଣ ଏବେ ୧୩ ହଜାର କୋଟି ଟଙ୍କାରେ ପହଞ୍ଚିଛି ।
କେବଳ ବିଏସଏନଏଲ ନୁହେଁ, ଆଉ ଏକ ରାଷ୍ଟ୍ରାୟତ ଟେଲିକମ ଉଦ୍ୟୋଗ ଏମଟିଏନଏଲ ମଧ୍ୟ ପ୍ରବଳ କ୍ଷତିରେ ଚାଲୁଛି । ବିଏସଏନଏଲରେ ଏବେ ୧.୭୬ ଲକ୍ଷ କର୍ମଚାରୀଥିବାବେଳେ ଏନଟିଏନଏଲରେ ୨୨ ହଜାର କର୍ମଚାରୀ ରହିଛନ୍ତି । ବିଏସଏନର ଆୟ ବଢାଇବାକୁ ଏହାର ଫାଇବର ଅପଟିକ ନେଟଓ୍ଵାର୍କକୁ ଭଡାରେ ଦେବାକୁ ଗତ ଏପ୍ରିଲ ମାସରେ ସରକାର ଅନୁମତି ଦେଇଥିଲେ ।