ଗୋଟିଏ ଅଞ୍ଚଳର ପ୍ରାୟ ୩୦୦ ଷ୍ଟେଟ୍ ବ୍ୟାଙ୍କ ଗ୍ରାହକଙ୍କ ଖାତାରେ ଜମା ହେଲା ୯୯୯୯୯ ଟଙ୍କା: ଜମାକାରୀ କିଏ କହିପାରୁନି ବ୍ୟାଙ୍କ !
ପାଟନା : ବିହାରର ଏକ ଜିଲ୍ଲାରେ ଘଟିଛି ଏକ ଆଶ୍ଚର୍ଯ୍ୟ କରିଦେବା ଭଳି ଘଟଣା । ହଠାତ୍ ଷ୍ଟେଟ୍ ବ୍ୟାଙ୍କ ଅଫ୍ ଇଣ୍ଡିଆ(ଏସ୍ବିଆଇ) ଗ୍ରାହକଙ୍କ ଖାତାରେ ଜମା ହେଇଛି ୯୯୯୯୯ ଟଙ୍କା । ଗୋଟିଏ ଗ୍ରାମର ପ୍ରାୟ ୩୦୦ ଗ୍ରାହକଙ୍କ ବ୍ୟାଙ୍କ ଖାତାରେ ଜମା ହୋଇଥିଲା ଏହି ଟଙ୍କା । ମୋବାଇଲକୁ ମେସେଜ୍ ଆସିବା ପରେ ଲୋକମାନେ ଖୁସି ହୋଇ ଏହି ଟଙ୍କାକୁ ବାହର କରିବା ପାଇଁ ପାଖ ଏସ୍ବିଆଇ ଶାଖାରେ ଯାଇ ପହଞ୍ଚିଥିଲେ । କିନ୍ତୁ ସେଠାରେ ପହଞ୍ଚିବାପରେ ଏହି ଟଙ୍କାକୁ ବାହାର କରାଯାଇପାରିବ ନାହିଁ ବୋଲି ଜାଣିବା ପରେ ସେମାନଙ୍କର ସବୁ ଖୁସି ମଉଳି ଯାଇଥିଲା । ଏହି ଘଟଣା ବିହାରର ଛପରା ଜିଲ୍ଲାରେ ଘଟିଥିବା ବେଳେ ଏହି ଟଙ୍କା କେଉଁଠୁ ଆସିଲା ତାହା ସମସ୍ତଙ୍କ ମନରେ ପ୍ରଶ୍ନ ସୃଷ୍ଟି କରିଛି ।
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁଯାୟୀ, ବିହାରର ଛପରା ଜିଲ୍ଲା ଅନ୍ତର୍ଗତ ଚମରହିଆ କୋହଡ଼ା, ପିଲୁଇ, ନସିରା,ଇନାୟତପୁର,କରହି, ବିଶୁନ୍ପୁରା ଗ୍ରାମର ପ୍ରାୟ ୩୦୦ଲୋକଙ୍କୁ ଏସ୍ବିଆଇ ବ୍ୟାଙ୍କ ଖାତାରେ ୯୯୯୯୯ଟଙ୍କା ଜମା ହୋଇଛି ବୋଲି ମେସେଜ୍ ମିଳିଥିଲା । ଏହା ଜାଣିବା ପରେ ଲୋକ ମାନେ ନିଜ ନିଜ ଭିତରେ କଥା ହେବା ଆରମ୍ଭ କରିଥିଲେ । ଏହା ପ୍ରଧାନମନ୍ତ୍ରୀଙ୍କର କେଉଁ ଏକ ଯୋଜନା ହୋଇଥିବା ଭାବି ସେମାନେ ଖୁସିରେ ଟଙ୍କା ଆଣିବା ପାଇଁ ବ୍ୟାଙ୍କରେ ପହଞ୍ଚିଥିଲେ । ସେଠାରେ ପହଞ୍ଚିବା ପରେ ସେମାନଙ୍କ ଖାତାର କାରବାରକୁ ସ୍ଥଗିତ ରଖାଯାଇଛି ବୋଲି ବ୍ୟାଙ୍କ ଷ୍ଟାଫ୍ ଜଣାଇଥିଲେ ।
ସ୍ଥଗିତ ରଖାଯିବାର କାରଣ ପଚରାଯିବାରୁ କେଉଁଠୁ ବ୍ୟାଙ୍କ ଖାତାକୁ ଏତେ ପରିମାଣର ଟଙ୍କା ଆସିଛି ତାହା ଜଣା ପଡ଼ୁ ନଥିବାରୁ ଏପରି କରାଯାଇଥିବା ବ୍ୟାଙ୍କ କର୍ମଚାରୀ ଜଣାଇଥିଲେ । ଏହି ବିଷୟରେ ବ୍ୟାଙ୍କର ଶଖା ପ୍ରବନ୍ଧକଙ୍କୁ ପଚରାଯିବାରୁ ଏହା ନେଟ୍ଓ୍ଵାର୍କ ପ୍ରୋବ୍ଲେମ୍ ପାଇଁ ହୋଇ ଥାଇପାରେ ବୋଲି ସେ କହିଛନ୍ତି । ଯେଉଁ ଲୋକମାନଙ୍କ ଖାତାରେ ଟଙ୍କା ଜମା ହୋଇଛି ସେମାନଙ୍କୁ ଆମେ କେଓ୍ଵାଇସି , ଆଧାର କାର୍ଡ଼ ଏବଂ ପ୍ୟାନ୍ କାର୍ଡ଼ ନମ୍ବର ମାଗିଛୁ । କେଓ୍ଵାଇସି ମିଳିବା ପରେ ହିଁ ଟଙ୍କା ବାହାର କରାଯିବା ସମ୍ଭବ ହୋଇପାରିବ ବୋଲି ସେ କହିଛନ୍ତି ।