ମୁମ୍ବାଇ: ଯଦି ଆପଣ ଶସ୍ତାରେ ଘର କିମ୍ବା ଦୋକାନ ଗୃହ କିଣିବାକୁ ଚାହୁଁଛନ୍ତି ତେବେ ଏସବିଆଇ ବା ଷ୍ଟେଟ ବ୍ୟାଙ୍କ ଅଫ ଇଣ୍ଡିଆ ଏକ ବଡ ସୁଯୋଗ ଆଣିଦେଇଛି | ଏସବିଆଇ ବେଳେବେଳେ ଆବାସିକ ଘର ଓ ବାଣିଜ୍ୟିକ ସମ୍ପତ୍ତିର ନିଲାମ କରିଥାଏ | ଯେଉଁମାନେ ବ୍ୟାଙ୍କରୁ ଋଣ ନେଇ ଠିକ ସମୟରେ ପରିଶୋଧ କରିନଥାନ୍ତି, ସେମାନଙ୍କ ଘରକୁ ବ୍ୟାଙ୍କ ଜବତ କରି ପରେ ନିଲାମ ଜରିଆରେ ବିକ୍ରି କରିଥାଏ | ଏହି ବିକ୍ରି ଲବ୍ଧ ଅର୍ଥରୁ ଋଣକୁ ପରିଶୋଧ କରାଯାଇଥାଏ | ଠିକ ସେମିତି ଆସନ୍ତା ଫେବୃୟାରୀ ୨୬ ତାରିଖରେ ଷ୍ଟେଟ ବ୍ୟାଙ୍କ ପକ୍ଷରୁ ଋଣ ଶୁଝାଯାଇନଥିବା କିଛି ଘରକୁ ନିଲାମ କରିବାକୁ ଯାଉଛି |
Sambad is now on WhatsApp
Join and get latest news updates delivered to you via WhatsApp
ସାରା ଦେଶରେ ନିଲାମ ହେବାକୁ ଥିବାବେଳେ ଏହି ପ୍ରକ୍ରିୟାରେ ଭାଗ ନେବାକୁ ଚାହୁଁଥିଲେ ପ୍ରଥମେ ଅନଲାଇନ ଆବେଦନ କରିବାକୁ ପଡିବ | ଷ୍ଟେଟ ବ୍ୟାଙ୍କର ୱେବସାଇଟକୁ ଯାଇ ଅକ୍ସନ ନୋଟିସରେ ଆପଣଙ୍କୁ ନିଜ ନାମ ପଞ୍ଜିକରଣ କରିବାକୁ ପଡିବ | ଏଠାରେ ଡିଜିଟାଲ ହସ୍ତାକ୍ଷର ସହ କେୱାଇସି ଡକ୍ୟୁମେଣ୍ଟ ମଧ୍ୟ ଦେବାକୁ ପଡିବ | ନିମ୍ନରେ ଆପଣ ଆବେଦନ କରିପାରିବେ |
Register for the SBI Mega E-Auction and get listed residential and commercial properties at unbelievable rates. The exclusive mega e-auction will be held on 26th February 2020. Register here: https://t.co/n9tHSXi1zy#SBI #SBIMegaEAuction #BeABidder #ForeclosedProperties pic.twitter.com/U0PoYeUCDK
— State Bank of India (@TheOfficialSBI) February 14, 2020
ଏଠାରେ ସୂଚନା ଥାଉ କି ଏସବିଆଇ କୋର୍ଟଙ୍କ ଆଦେଶ ପାଇବା ପରେ ଏହି ସମ୍ପତ୍ତି ସବୁ ନିଲାମ କରିବାର ନିଷ୍ପତ୍ତି ନେଇଛି | ଅର୍ଥାତ ଏହି ସବୁ ସମ୍ପତ୍ତିର ବୈଧତା ଓ ମାଲିକାନାକୁ ନେଇ ଆପଣଙ୍କୁ କୌଣସି ପ୍ରକାର ଅସୁବିଧାର ସମ୍ମୁଖୀନ ହେବାକୁ ପଡିବ ନାହିଁ | ଏହି ସବୁ ସମ୍ପତ୍ତି ଚେନ୍ନାଇ, ମୁମ୍ବାଇ, ଦିଲ୍ଲୀଠାରୁ ନେଇ ଓଡ଼ିଶାରେ ବି ରହିଛି | ଅର୍ଥନୀତି ବିଶେଷଜ୍ଞଙ୍କ କହିବା ମୁତାବକ ବଜାର ଦରଠାରୁ ଏହି ଘରଗୁଡିକର ମୂଲ୍ୟ ଅପେକ୍ଷାକୃତ କମ ରହିବ |