ଦିଲ୍ଲୀରେ ଚାଞ୍ଚଲ୍ୟ : ସ୍କୁଲ୍ ଛାତ୍ରୀଙ୍କୁ ଲିଫ୍ଟ ଦେଇ ଚଳନ୍ତା ଗାଡ଼ିରେ ଦୁଷ୍କର୍ମ କଲେ ସହପାଠୀ ଓ ଦୂରସଂପର୍କୀୟ
ନୋଏଡ଼ା : ପୁଣି ଏକ ଗଣଦୁଷ୍କର୍ମର ଘଟଣା ଏବେ ରାଜଧାନୀ ଦିଲ୍ଲୀରେ ଚାଞ୍ଚଲ୍ୟ ଖେଳାଇ ଦେଇଛି । ସ୍କୁଲରୁ ଫେରୁଥିବା ଛାତ୍ରୀଙ୍କୁ ଘରେ ଛାଡ଼ି ଦେବା ବାହାନାରେ ଗାଡ଼ିରେ ଲିଫ୍ଟ ଦେଇ ପୀଡ଼ିତାଙ୍କ ଜଣେ ସହପାଠୀ ଓ ଅନ୍ୟ ଦୁଇଜଣ ଦୁଷ୍କର୍ମ କରିଥିବା ଜଣାପଡ଼ିଛି । ଆଶ୍ଚର୍ଯ୍ୟର କଥା ହେଲା, ଗଣଦୁଷ୍କର୍ମ କରିଥିବା ୩ ଜଣଙ୍କ ମଧ୍ୟରୁ ଜଣେ ତାଙ୍କର ଦୂର ସଂପର୍କୀୟ ବୋଲି ସୂଚନା ମିଳିଛି । ତୃତୀୟ ଅଭିଯୁକ୍ତଙ୍କର ପରିଚୟ ଏ ପର୍ଯ୍ୟନ୍ତ ମିଳିପାରି ନାହିଁ । ପୀଡ଼ିତାଙ୍କ ପରିବାର ଲୋକେ ୩ ଜଣଙ୍କ ବିରୋଧରେ ଏତଲା ଦାୟର କରିଥିବା ବେଳେ ସେମାନଙ୍କୁ ଖୋଜିବା ଆରମ୍ଭ କରିଛି ପୁଲିସ ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୂତାବକ, ଗତ ଏପ୍ରିଲ ୧୮ରେ ସ୍କୁଲ୍ ସାରି ଅପରାହ୍ନ ୨ଟା ସମୟରେ ଘରକୁ ଆସିବା ପାଇଁ ବାହାରିବା ବେଳକୁ ବସ ଛାଡ଼ି ଦେଇଥିଲା । ଘରକୁ ଯିବା ପାଇଁ କୌଣସି ଗାଡ଼ି ନ ମିଳିବାରୁ ଛାତ୍ରୀ ଜଣକ ଚାଲି ଚାଲି ଘରକୁ ଯିବାକୁ ବାହାରିଥିଲେ । ଏହି ସମୟରେ ୩ ଜଣ ଅଭିଯୁକ୍ତ ଆସି ତାଙ୍କୁ ଲିପ୍ଟ ଦେଇଥିଲେ । ୩ ଜଣଙ୍କ ମଧ୍ୟରୁ ଦୁଇ ଜଣଙ୍କୁ ପୀଡ଼ିତା ଜାଣିଥିବାରୁ କିଛି ନ ଭାବି ତାଙ୍କ ସହ ଯିବା ପାଇଁ ରାଜି ହୋଇ ଯାଇଥିଲେ ସେ । ଏହା ପରେ ୩ ଜଣ ପୀଡ଼ିତାଙ୍କୁ ନେଇ ଘରେ ଛାଡ଼ିବା ପରିବର୍ତ୍ତେ ଏକ ଇଞ୍ଜିନିୟରିଂ କଲେଜ ପଛପଟକୁ ନେଇ ଚଳନ୍ତା ଗାଡ଼ିରେ ତାଙ୍କ ସହ ଦୁଷ୍କର୍ମ କରିଥିଲେ । ଏପଟେ ଠିକ୍ ସମୟରେ ପୀଡ଼ିତା ଘରେ ନ ପହଞ୍ଚିବାରୁ ପରିବାର ଲୋକେ ରାତି ୯ଟାରେ ପୁଲିସରେ ଏ ନେଇ ଏତଲା ଦେଇଥିଲେ ।
ଏତଲା ପାଇ ଖୋଜିବା ଆରମ୍ଭ କରିବା ପରେ ପୀଡ଼ିତାଙ୍କୁ କଲେଜ ପଛପଟୁ ଉଦ୍ଧାର କରି ଡ଼ାକ୍ତରଖାନାରେ ଭର୍ତ୍ତି କରିଥିଲା ପୁଲିସ । ଚିକିତ୍ସା ପରେ ଚେତା ଫେରିବାରୁ ପୂରା ଘଟଣା ବିଷୟରେ ଜଣାଇଥିଲେ ପୀଡ଼ିତା । ସବୁ ବିଷୟରେ ଜାଣିବା ପରେ ଧାରା ୩୭୬ ଏବଂ ପୋକ୍ସୋ ଆକ୍ଟ ଅନୁଯାୟୀ ୩ ଜଣ ଅଭିଯୁକ୍ତଙ୍କ ବିରୋଧରେ ଏତଲା ରୁଜୁ କରି ସେମାନଙ୍କୁ ଖୋଜିବା ଆରମ୍ଭ କରିଛି ପୁଲିସ ।