ଉଚ୍ଚ ପଦସ୍ଥ ଅଧିକାରୀଙ୍କ ପାଇଁ ଆତ୍ମହତ୍ୟା କଲେ ମହିଳା କନେଷ୍ଟବଳ, ଭାଇରାଲ ହେଲା ସୁଇସାଇଡ୍‌ ନୋଟ୍‌

0 982

ବାରାବଙ୍କି: ଉତ୍ତରପ୍ରଦେଶର ବାରାବଙ୍କିରେ ଜଣେ ମହିଳା କନେଷ୍ଟବଳ ରହୁଥିବା ଘରେ ପଙ୍ଖାରେ ରସି ଲଗାଇ ଆତ୍ମହତ୍ୟ କରିବା ଘଟଣାକୁ ନେଇ ଏବେ ଚର୍ଚ୍ଚା ଆରମ୍ଭ ହୋଇଛି । ଘଟଣାର ଖବର ପାଇ ପୁଲିସ ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ ପଠାଇଥିବା ବେଳେ ମୃତଦେହ ପାଖରୁ ଏକ ଚିଠି ଜବତ କରିଥିଲା । ଯାହା ଏବେ ଭାଇରାଲ ହୋଇଛି । ଜବତ ହୋଇଥିବା ଚିଠିରେ ମୃତା କନେଷ୍ଟବଳ ପୁଲିସକର୍ମୀମାନଙ୍କ ଉପରେ ମାନସିକ ନିର୍ଯାତନା ଏବଂ ଛୁଟି ନ ଦେବାର ଆରୋପ ଲଗାଇଥିବା ଦେଖା ଯାଇଛି ।

ଘଟଣାଟି କୋତଓ୍ଵାଲି ଅଞ୍ଚଳରେ ଘଟିଥିବା ବେଳେ ପୀଡ଼ିତା କୋତଓ୍ଵାଲିରେ ପୁଲିସ କନେଷ୍ଟବଳ ଭାବରେ ନିଯୁକ୍ତି ପାଇଥିଲେ । ଘର ହର୍‌ଦୋଇ ଜିଲ୍ଲାରେ ହୋଇଥିବା ବେଳେ ବର୍ଷେ ହେବ ସେ କୋତଓ୍ଵାଲିରେ କାମ କରି ଆସୁଥିଲେ । କନେଷ୍ଟବଳ ମୋନିକାଙ୍କ ମୃତଦେହ ପାଖରୁ ଚିଠି ମିଳିବା ପରେ ହର୍‌ଦୋଇ ପୁଲିସ ଏହାକୁ ଲଚାଇ ଦେଇଥିଲା । କିନ୍ତୁ ଏହି ଘଟଣାର କିଛି ଘଣ୍ଟା ପରେ ଚିଠିଟି ହ୍ଵାଟସଆପ୍‌ରେ ଭାଇରାଲ ହୋଇ ଯାଇଥିଲା ।

Panda Mobile only
oneindia.com

ଭାଇରାଲ ହୋଇଥିବା ଚିଠିରେ “ଥାନାରେ ମୋତେ କ୍ରାଇମ୍‌ ଆଣ୍ଡ କ୍ରିମିନାଲ ଟ୍ରାକିଂ ନେଟ୍‌ଓ୍ଵାର୍କ ସିଷ୍ଟମରେ କାମ କରିବା ପାଇଁ ନିଯୁକ୍ତି ଦିଆ ଯାଇଥିବା ବେଳେ ସବୁବେଳେ ମୋତେ ବାହାରକୁ ଯାଇ ବାହାର କାମ କରିବା ପାଇଁ କୁହାଯାଉଥିଲା । ଏହାର ବିରୋଧ କରିବାରୁ କନେଷ୍ଟବଳ ରୁଖ୍‌ସାର ଅହମ୍ମଦ ଏବଂ ଏସ୍‌ଏଚ୍‌ଓ ପର୍ଶୁରାମ ଓଝା ମୋତେ ପ୍ରତାରିତ କରିଥିଲେ । ସେପ୍ଟେମ୍ବର ୨୯ରେ ଯେତେବେଳେ ମୁଁ ଛୁଟିର ଆବେଦନ ପତ୍ର ନେଇ ପର୍ଶୁରାମ ଓଝାଙ୍କ ପାଖକୁ ଯାଇଥିଲି । ସେ ରେଜିଷ୍ଟର ଫିଙ୍ଗିବା ସହ ମୋତେ ଛୁଟି ଦେବା ପାଇଁ ମନା କରି ଦେଇଥିଲେ । କାମ କରିବା ପରେ ଛୁଟି ନେବା ସବୁ କର୍ମଚାରୀଙ୍କ ଅଧିକାର ହୋଇଥାଏ । ଯଦି ସେଥିପାଇଁ ଉଚ୍ଚପଦସ୍ଥ ଅଧିକାରୀମାନଙ୍କୁ ଭିକ ମାଗିବାକୁ ପଡ଼େ ତେବେ ଏହା ସଂପୂର୍ଣ୍ଣ ଭୁଲ । ଯଦି ମୋତେ ଛୁଟି ମିଳି ଯାଇଥାନ୍ତା, ତେବେ ମୁଁ ଆତ୍ମହତ୍ୟା ଭଳି ପଦକ୍ଷପ କେବେ ନେଇ ନଥାନ୍ତି” ବୋଲି ମୋନିକା ଲେଖିଥିବା ଦେଖା ଯାଇଛି । ତେବେ ଏହି ଚିଠି ଭାଇରାଲ ହେବା ପରେ ଏହାର ତଦନ୍ତରେ ଲାଗି ପଡ଼ିଛି ହର୍‌ଦୋଇ ପୁଲିସ ।

ସମ୍ବନ୍ଧିତ ଖବର

Leave A Reply

Your email address will not be published.