ଅନୁଗୁଳ: ବଜ୍ରପାତରେ ବୁଧବାର ଅପରାହ୍ନରେ ଖୁଡ଼ି-ଝିଆରୀଙ୍କର ମୃତ୍ୟୁ ଘଟିଛି। ଅନୁଗୁଳ ବ୍ଲକ ଅନ୍ତର୍ଗତ ଡେରଜାଙ୍ଗ୍ ଗାଁର ଅପରାହ୍ନ ପ୍ରାୟ ୪ଟାରେ ଏହି ଅଭାବନୀୟ ଘଟଣା ଘଟିଛି। ବିଲରୁ ଘରକୁ ଫେରୁଥିବା ଖୁଡ଼ି ଶାନ୍ତି ପ୍ରଧାନ ଓ ଝିଆରୀ ବୈଶାଖୀ ପ୍ରଧାନଙ୍କ ମୃତ୍ୟୁ ହୋଇଛି।
Sambad is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ ନିଜ ଗାଁ ଠାରୁ ଅଳ୍ପ ଦୂରରେ ଥିବା ବିଲରୁ ଧାନ ରୋଇ ଶାନ୍ତି ଓ ବୈଶାଖୀ ଘରକୁ ଫେରୁଥିଲେ। ଗାଁ ମୁଣ୍ଡରେ ପହଞ୍ଚିବା ବେଳକୁ ସେମାନେ ବଜ୍ରପାତର ଶିକାର ହୋଇଥିଲେ। ଘଟଣାସ୍ଥଳରେ ସେମାନେ ତଳେ ପଡ଼ିଯିବା ପରେ ସ୍ଥାନୀୟ ଲୋକଙ୍କ ଦ୍ୱାରା ଶାନ୍ତି ଓ ବୈଶାଖୀଙ୍କୁ ଅନୁଗୁଳ ଜିଲ୍ଲା ମୁଖ୍ୟ ଚିକିତ୍ସାଳୟକୁ ନିଆଯାଇଥିଲା। ହସ୍ପିଟାଲରେ ପହଞ୍ଚିବା ପରେ ସେମାନଙ୍କୁ ଡାକ୍ତର ମୃତ ଘୋଷଣା କରିଥିଲେ।
ସୂଚନାଯୋଗ୍ୟ ଯେ, ଏକ ସପ୍ତାହ ମଧ୍ୟରେ ଅନୁଗୁଳରେ ଏହା ହେଉଛି ୪ର୍ଥ ବଜ୍ରପାତ ଘଟଣା। ପୂର୍ବରୁ ମଧ୍ୟ ଜିଲ୍ଲାର ଛେଣ୍ଡିପଦା ଓ କିଶୋରନଗର ବ୍ଲକ ଅଞ୍ଚଳରେ ବଜ୍ରପାତ ଯୋଗୁଁ ୩ଜଣଙ୍କର ମୃତ୍ୟୁ ହୋଇଛି।