ନାବାଳିକାଙ୍କୁ ଅପହରଣ ଓ ଦୁଷ୍କର୍ମ, ଅଭିଯୁକ୍ତ ଗିରଫ

ଡୁଙ୍ଗୁରିପାଲି: ଡୁଙ୍ଗୁରିପାଲି ଥାନା ଲଛିପୁର ଫାଣ୍ଡି ଅଞ୍ଚଳର ଜଣେ ନାବାଳିକାଙ୍କୁ ଅପହରଣ ଓ ଦୁଷ୍କର୍ମ ଅଭିଯୋଗରେ ମଙ୍ଗଳବାର ଡୁଙ୍ଗୁରିପାଲି ପୁଲିସ ଅଭିଯୁକ୍ତ କୃପା ଦାଶଙ୍କୁ ଗିରଫ କରିଛି। ବୁଧବାର ୭ ତାରିଖ ତାଙ୍କୁ କୋର୍ଟ ଚାଲାଣ କରାଯିବ ବୋଲି ଆଇଆଇସି ଅମରେନ୍ଦ୍ର ଷାଣ୍ଢ କହିଛନ୍ତି।
ନାବାଳିକା ଜଣକ ନିଖୋଜ ଥିବା ନେଇ ଗତ ୨୩ ତାରିଖ ଲଛିପୁର ଫାଣ୍ଡିରେ ଅଭିଯୋଗ ହୋଇଥିଲା। ଲଛିପୁର ଫାଣ୍ଡି ଅଧିକାରୀ ମହନ ବରିହା ଓ ଡୁଙ୍ଗୁରିପାଲି ପୁଲିସ ବଲାଙ୍ଗୀର ଜିଲ୍ଲା ସଇଁତଲା ଥାନା ବିରାଟକାନୀ ଗାଁରେ ଚଢ଼ଉ କରି କୃପାଙ୍କୁ ଗିରଫ କରିବା ସହ ନାବାଳିକାଙ୍କୁ ଉଦ୍ଧାର କରିଥିଲେ। ନାବାଳିକାଙ୍କୁ ବୁଧବାର ସୁବର୍ଣ୍ଣପୁର ସିଡବ୍ଲୁସିକୁ ହସ୍ତାନ୍ତର କରାଯିବ ବୋଲି ଆଇଆଇସି ଶ୍ରୀ ଷାଣ୍ଢଙ୍କ ସୂଚନା ଦେଇଛନ୍ତି।