ଅନୁପ୍ ଜଲୋଟାଙ୍କ ମୁଖା ଖୋଲିଲେ ଇସ୍ରାଏଲି ମଡ଼େଲ,ରାତ୍ରୀ ଭୋଜନକୁ ଡ଼ାକି ଜୋର ଜବରଦସ୍ତ ଦେଇଥିଲେ ଚୁମ୍ବନ
ନୂଆଦିଲ୍ଲୀ : ବିଗ୍ ବସ୍ ଆରମ୍ଭ ହେବା ପରଠାରୁ ଚର୍ଚ୍ଚାରେ ରହି ଆସିଛି ଅନୁପ୍-ଜସ୍ଲୀନ୍ ଯୋଡ଼ି । ଦୁଇ ଜଣଙ୍କ ମଧ୍ୟରେ ଥିବା ସଂପର୍କକୁ ନେଇ ଏବେ ଚର୍ଚ୍ଚା ଜୋର ଧରିଥିବା ବେଳେ ଏବେ ଜଣେ ଇସ୍ରାଏଲି ମଡ଼େଲ ଲଗାଇଥିବା ଆରୋପକୁ ନେଇ ଚର୍ଚ୍ଚା ଆରମ୍ଭ ହୋଇଛି । ପୂର୍ବରୁ ୨୮ବର୍ଷିୟ ଜସ୍ଲୀନ୍ଙ୍କ ସହ ପ୍ରେମ ସଂପର୍କକୁ ନେଇ ଅନୁପ୍ଙ୍କ ଦର୍ଶକମାନେ ଟ୍ରୋଲ କରିଥିବା ବେଳେ ଏବେ ମଡ଼େଲ ରୀନା ଗୋଲାନଙ୍କ ଅରୋପ ଏହି ଚର୍ଚ୍ଚାକୁ ତେଜିଥିବା ଦେଖା ଦେଇଛି । ୩ଟି ବିବାହ କରି ସାରିଥିବା ଅନୁପ୍ ଜଲେଟା ମଡ଼େଲ ରୀନା ଗୋଲାନଙ୍କୁ ଜୋର ଜବରଦସ୍ତ ଚମ୍ବନ ଦେଇଥିଲେ ବୋଲି ଖୁଲାସା କରିଛନ୍ତି ରୀନା । ୨୦୧୧ରେ ରୀନା ଲେଖିଥିବା ଏକ ବହିରେ ଜଲୋଟାଙ୍କୁ ନେଇ ଅନେକ ଖୁଲାସା କରିଥିଲେ । ଏହି ବହିର ନାମ ‘ଡ଼ିୟର ମିଷ୍ଟର ବଲିଉଡ୍’ ହୋଇଥିବା ବେଳେ ସେ ଏଥିରେ ନିଜ ସହ ଘଟିଥିବା ଅନେକ ଘଟଣାର ଖୁଲାସା କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
୨୦୧୧ ପୂର୍ବରୁ ସେ ବଲିଉଡ୍ରେ କାମ କରିବା ପାଇଁ ଚାହୁଁଥିବା ବେଳେ ମୁମ୍ବାଇର ଭିଟାମିନ୍ ନାମକ କମ୍ପାନୀରୁ ତାଙ୍କୁ ଅଫର ଆସିଥିଲା । ଏହି କମ୍ପାନୀରେ କାମ ଆରମ୍ଭ କରିବା ପରେ ସେ ଅନୁପଙ୍କ ସହ ଦେଖା ହୋଇଥିଲେ । କମ୍ପାନୀରେ ତାଙ୍କୁ ଭଲ ସୁଯୋଗ ନ ମିଳିବାରୁ ସେ ଅନୁପ୍ଙ୍କୁ ସାହାଯ୍ୟ ମାଗିଥିଲେ । ଯାହା ପରେ ଅନୁପ୍ ତାଙ୍କୁ ନିଜ ସୋ’ ହୋଷ୍ଟ କରିବାର କାମ ଦେଇଥିଲେ । ଥରେ ନିଜ ସୋ’ ପାଇଁ ଅନୁପ୍ ରୀନାଙ୍କୁ ନେଇ ବିଦେଶ ଯାଉଥିବା ବେଳେ ବିମାନ ମଧ୍ୟରେ ତାଙ୍କ ସହ ଅସଦାଚରଣ କରିଥିଲେ । ଅନୁପ୍ଙ୍କ ଏଭଳି ବ୍ୟବହାରରେ ରୀନା ରାଗିଯିବା ସହ ଆଗକୁ ଏପରି ନ କରିବା ପାଇଁ କହିଥିଲେ । କିନ୍ତୁ ପରେ ଅନୁପ୍ ରୀନାଙ୍କୁ ରାତ୍ରୀ ଭୋଜନରେ ଡ଼ାକି ତାଙ୍କ ସହ ଜୋର ଜବରଦସ୍ତ ଆଲିଙ୍ଗନ କରିବା ସହ ଚୁମ୍ବନ ଦେଇଥିଲେ । ଶେଷରେ ଅନୁପ୍ଙ୍କ ଏଭଳି ବ୍ୟବହାରରେ ସେ ରାଗିଯାଇ ତାଙ୍କ ସହ କାମ କରିବା ବନ୍ଦ କରିଥିଲେ ବୋଲି ନିଜ ବହିରେ ଉଲ୍ଲେଖ କରିଛନ୍ତି ରୀନା ।