ଭୁବନେଶ୍ୱର: ୨୦୧୭ରେ ଜଣେ ଓଲିଉଡ ନାୟକ ଏକ ତେଲୁଗୁ ସିନେମାରେ ନାୟକ ବନିଥିଲେ । ସେହି ତେଲୁଗୁ ସିନେମାର ଟାଇଟଲ ହେଲା ‘ଗୁଡ୍ ମର୍ଣ୍ଣିଂ’ । ଏହାର ସୁଟିଂ ହାଇଦ୍ରାବାଦଠାରେ କରାଯାଇଛିି । ଏହାର ପ୍ରଯୋଜକ ହେଲେ ମୋହନ କମ୍ବାଲା ଏବଂ ନିର୍ଦ୍ଦେଶକ ହେଲେ ବିଷ୍ଣୁ ସୂରିୟା । ବିଷ୍ଣୁ ହେଉଛନ୍ତି ବାହୁବଲୀ ଫେମ୍ ଏ ରାଜାମୌଲୀଙ୍କର ଆସିଷ୍ଟାଣ୍ଟ୍ । ଏହା ତାଙ୍କର ଚତୁର୍ଥ ତେଲୁଗୁ ସିନେମା । ଏଥିରେ ଯେଉଁ ଓଲିଉଡ ନାୟକ ହିରେ ବନିଛନ୍ତି ସେ ହେଲେ ଓଡ଼ିଆ ଛବି ‘ ମୁଁ ଗାନ୍ଧି ନୁହେଁ ’ ଏବଂ ‘‘ ଟିକେ ଅନାଡି ପୁରା ଖିଲାଡି’ ଫେମ୍ କରଣ ସିଂହ ରାୟ । ତାଙ୍କର ସ୍କ୍ରିନ୍ ନେମ୍ ହେଲା କରଣ୍ । ଆଉ ଗୁଡ୍ ମର୍ଣ୍ଣିଂ ହେଉଛି କରଣଙ୍କର ପ୍ରଥମ ତେଲୁଗୁ ସିନେମା । କାହାଣୀ ଅନୁଯାୟୀ ସେ ଯେଉଁ ତେଲୁଗୁ ନାୟିକାଙ୍କ ପ୍ରେମରେ ପଡ଼ିଛନ୍ତି ସେ ହେଲେ ସାବେରି ଦୁର୍ଗମ୍ । ସାବେରିଙ୍କର ଅବଶ୍ୟ ଏହା ଦ୍ୱିତୀୟ ସିନେମା ।
Sambad is now on WhatsApp
Join and get latest news updates delivered to you via WhatsApp
ଗୁଡ୍ ମର୍ଣ୍ଣିଂ ରେ ପ୍ରଖ୍ୟାତ ଅଭିନେତା ପ୍ରକାଶ ରାଜ, କମେଡିଆନ୍ ବ୍ରହ୍ମାନନ୍ଦ ,ଅପ୍ପା ରାଓ ଏବଂ କ୍ରିଷ୍ଣା ଭଗବାନ୍ ପ୍ରମୁଖ ଗୁରୁତ୍ୱପୂର୍ଣ୍ଣ ଭୂମିକାରେ ଅଛନ୍ତି । ପ୍ରାପ୍ତ ସୂଚନା ଅନୁଯାୟୀ ଏହାରସୁଟିଂ ଶେଷ ହୋଇଛି । ଏଠାରେ ସୂଚନାଯୋଗ୍ୟ ଯେ ପୂର୍ବରୁ ଓଲିଉଡ ନାୟକ ସବ୍ୟସାଚୀ ଏବଂ ସମ୍ବିତ ତେଲୁଗୁ ଇଣ୍ଡଷ୍ଟ୍ରିରେ ପାଦ ଥାପି ସାରିଛନ୍ତି । ଏବେ କରଣ କି କମାଲ୍ କରୁଛନ୍ତି ସେଠି ତାହା ଦେଖିବାକୁ ବାକି ରହିଲା । ଅପରପକ୍ଷରେ କରଣଙ୍କ ଅଭିନୀତ ଅନ୍ୟ ଏକ ଓଡ଼ିଆ ଛବି ‘ତୋର ମୋର ପ୍ରେମକାହାଣୀ ’ରିଲିଜ୍ ଅପେକ୍ଷାରେ ରହିଛି ।