ପୁଣି ଚର୍ଚ୍ଚାରେ ପ୍ରିୟା ପ୍ରକାଶ: ବିୟୁଟି କଣ୍ଟେଷ୍ଟରେ ଭାଗ ନେଇଥିବା ସମୟର ଭିଡ଼ିଓ ହେଲା ଭାଇରାଲ, ଦେଖନ୍ତୁ କେମିତି ନିଜର ପରିଚୟ ଦେଇଥିଲେ ପ୍ରିୟା…
ମୁମ୍ବାଇ : ଇଣ୍ଟରନେଟ୍ ସେନ୍ସେସନ୍, ଭାଲେଣ୍ଟାଇନ୍ ଗର୍ଲ ବା ନ୍ୟାସ୍ନାଲ କ୍ରସ କିଛି ବି କହିପାରିବେ । କିଛି ସେକେଣ୍ଡର ଭିଡ଼ିଓକୁ ନେଇ ରାତାରାତି ଷ୍ଟାର ପାଲଟି ଥିବା ଅଭିନେତ୍ରୀ ପ୍ରିୟା ପ୍ରକାଶଙ୍କୁ ଏହି ୩ଟି ନାଁ ଦେଇଥିଲେ ଦେଶବାସୀ । ଫିଲ୍ମ ରିଲିଜ୍ ପୂର୍ବରୁ ହିଁ ସେ ସମସ୍ତଙ୍କ ମନକୁ କିଣିବା ସହ ସବୁ ଯୁବକମାନଙ୍କର କ୍ରସ ପାଲଟି ଯାଇଥିଲେ । କିଛି ସେକେଣ୍ଡର ଭିଡ଼ିଓର ସଫଳତା ପରେ ତାଙ୍କୁ ଏକାଧିକ ପ୍ରଜୋଯକଙ୍କ ପକ୍ଷରୁ ଫିଲ୍ମର ଅଫର ଆସିବାକୁ ଲାଗିଥିଲା ।
Sambad is now on WhatsApp
Join and get latest news updates delivered to you via WhatsApp
ତେବେ ଆପଣ ଜାଣିଛନ୍ତି କି ଆପଣମାନଙ୍କ ପ୍ରିୟ ପ୍ରିୟା ଅଭିନୟ ଆରମ୍ଭ କରିବା ପୂର୍ବରୁ ତାଙ୍କ ଜୀବନ କିପରି ଥିଲା? ଏବେ ତାଙ୍କର ଏକ ପୁରୁଣା ଭିଡ଼ିଓ ସୋସିଆଲ ମିଡ଼ିଆରେ ଭାଇରାଲ ହୋଇଛି । ଭିଡ଼ିଓରେ ସେ ଗୋଟେ ବିଉଟି କଣ୍ଟେଷ୍ଟରେ ଭାଗ ନେଇଥିବା ବେଳେ ନିଜର ପରିଚୟ ଦେଉଥିବାର ନଜର ଆସୁଛନ୍ତି । ପ୍ରିୟା ଏବେ କେରଳର ଥିସୁରରେ ଥିବା ବେଳେ ଏହି ଭିଡ଼ିଓଟି ମୁମ୍ବାଇର ବୋଲି ଜଣା ପଡ଼ିଛି । ମୁମ୍ବାଇର ବିମ୍ଲା କଲେଜରେ ବାଣିଜ୍ୟ ପାଠ ପଢ଼ୁଥିବା ବେଳେ ସେ ଏହି ବିଉଟି କଣ୍ଟେଷ୍ଟରେ ଭାଗ ନେଇଥିଲେ ବୋଲି ଜଣା ପଡ଼ିଛି । ନିଜର ପରିଚୟ ଦେବା ସହ ତାଙ୍କର ଅଭିନୟ ଏବଂ ସଙ୍ଗୀତ ପ୍ରତି କେତେ ରୁଚି ରହିଛି ସେ ବିଷୟରେ କହୁଥିବା ଏଥିରେ ଦେଖିବାକୁ ମିଳିଛି ।