ଇଣ୍ଟରନେଟ୍ ସେନ୍ସେସନ୍ ପ୍ରିୟା ପ୍ରକାଶ ଶାହରୁଖ, ରଣବୀର ଓ ସିଦ୍ଧାର୍ଥଙ୍କ ସହ ଅନ-ସ୍କ୍ରିନ୍ ରୋମାନ୍ସ କରିବାକୁ ଆଗ୍ରହୀ
ମୁମ୍ବାଇ : ଗତ କିଛି ଦିନ ହେବ ସୋସିଆଲ ମିଡିଆରେ ହଇଚଇ ସୃଷ୍ଟି କରିଛନ୍ତି ମଲାୟାଲମ ନାୟିକା ପ୍ରିୟା ପ୍ରକାଶ । ପ୍ରଥମେ ଆଖି ମରା ଏବଂ ପରେ ତାଙ୍କର ଚୁମ୍ବନ ଥିବା ଭିଡିଓକୁ ଦର୍ଶକ ଖୁବ୍ ଭଲ ପାଇଛନ୍ତି। ଏହା ସହ ରାତାରାତି ଷ୍ଟାର ବନି ଯାଇଛନ୍ତି ପ୍ରିୟା । ତାଙ୍କୁ ‘ନ୍ୟାସ୍ନାଲ କ୍ରସ୍’ ବୋଲି ମଧ୍ୟ ନାମ ଦିଆଯାଇ ସାରିଲାଣି । ଫିଲ୍ମ ରିଲିଜ ନ ହେଉଣୁ ପ୍ରିୟାଙ୍କ ପ୍ରେମରେ ସାରା ଦେଶ ପଡ଼ି ସାରିଛି । ତେବେ ସେହି ଭିଡିଓକୁ ସମସ୍ତେ ପ୍ରଶଂସା କରୁଥିବା ବେଳେ ପଛରେ ନାହାନ୍ତି ବଲିଉଡ୍ ଅଭିନେତା ଋଷି କପୁର । ପ୍ରିୟାଙ୍କ ଭିଡିଓକୁ ପ୍ରଶଂସା କରିବା ସହ ତାଙ୍କୁ ଭବିଷ୍ୟତ ପାଇଁ ଅନେକ ଶୁଭକାମନା ଜଣାଇଛନ୍ତି ଋଷିା
Sambad is now on WhatsApp
Join and get latest news updates delivered to you via WhatsApp
ସବୁଠାରୁ ମଜାଦାର କଥା ହେଲା, ସେ ନିଜ ଟ୍ଵିଟରରେ ତାଙ୍କୁ ପ୍ରଶଂସା କରିବା ସହ ତାଙ୍କ ସମୟରେ ସେ କାହିଁକି ଆସିଲେ ନାହିଁ ବୋଲି ଟ୍ଵିଟ୍ କରିଛନ୍ତି ।
I predict huge Stardom for this girl. Priya Warrier. So expressive,coy coquettish yet innocent. My dear Priya, you going to give all others in your age group a run for their money. God Bless and the best to you! Mere time mein naheen ayeen aap! Kyon? Lol pic.twitter.com/laYL1YE3Me
— Rishi Kapoor (@chintskap) February 16, 2018
ଋଷି କପୁରଙ୍କର ଟ୍ଵିଟ୍ ଦେଖି ପ୍ରିୟା ଖୁସି ହେବା ସହ ତାଙ୍କ ଠାରୁ ନିଜର ପ୍ରଶଂସା ଶୁଣି ବୁହୁତ ଖୁସିଥିବା କହିଛନ୍ତି । ଋଷି କପୁରଙ୍କର ଟ୍ଵିଟ୍ର ଜବାବ ଦେଇ “ଏଇଟା ମୋ ପାଇଁ ଏକ ସୌଭାଗ୍ୟର କଥା । ରୋମାନ୍ସର ରାଜା ମୋତେ ପ୍ରଶଂସା କରିଛନ୍ତି ଏହାଠାରୁ ବଡ଼ କଥା କଣ ହୋଇପାରେ” ଲେଖି ସେ ଟ୍ଵିଟ୍ କରିଛନ୍ତି ।
It’s an absolute honor to be praised by the “Prince of Romance “
The sort of mettle and mantle your aura infers in every artists existence will always be beyond common contention ❤ https://t.co/a7NZergfyY— Priya Prakash Varrier (@PriyaPVarier) February 16, 2018
ଏକ ମାଲୟାଲମ ଫିଲ୍ମ ‘ଓରୁ ଅଦର ଲଭ୍’ରୁ ନିଜର ଅଭିନୟ ଜୀବନ ଆରମ୍ଭ କରୁଥିବା ପ୍ରିୟାଙ୍କର ଏକ ଭିଡିଓ ଭାଇରାଲ ହୋଇଛି । ଫିଲ୍ମରେ ଥିବା ଏକ ଗୀତର ଦୃଶ୍ୟରେ ପ୍ରିୟା ଏବଂ ତାଙ୍କର ସହ କଳାକାର ରୋଶନ ଅବ୍ଦ୍ଦୁୁଲ ଆଖିରେ ଆଖିରେ ପରସ୍ପର ମଧ୍ୟରେ କଥା ହେବାର ଭିଡ଼ିଓଟି ଭାଇରାଲ ହେବା ପରେ ତାହା ଦର୍ଶକଙ୍କୁ ବେଶ ପସନ୍ଦ ଆସିଥିଲା । ଭାଇରାଲ ହେବାର କିଛି ସମୟ ପରେ ସବୁ ସୋସିଆଲ ସାଇଟ୍ରେ ତାଙ୍କ ଭିଡିଓ ଦେଖିବାକୁ ମିଳିଥିଲା ।
ଏହି କିଛି ସେକେଣ୍ଡର ଭିଡିଓ ପାଇଁ ତାଙ୍କ ଫଲୋୟର୍ ସଂଖ୍ୟା ସନ୍ନି ଲିଓନଙ୍କ ଠାରୁ ମଧ୍ୟ ବଢ଼ି ଯାଇଥିଲା । ରାତାରାତି ତାଙ୍କର ୩.୫ ମିଲିୟନ ଫଲୋୟର୍ ବଢ଼ି ଯାଇଥିଲେ । ତାଙ୍କୁ ସମସ୍ତଙ୍କ ପ୍ରଶଂସା ମିଳିବା ପରେ ବଲିଉଡର କେଉଁ ହିରୋ ସହ ସେ କାମ କରିବେ ବୋଲି ପଚରା ଯିବାରୁ ରଣବୀର ସିଂ, ଶାହରୁଖ୍ ଖାନ୍ ଏବଂ ସିଦ୍ଧାର୍ଥ ମଲହୋତ୍ରାଙ୍କ ସହ କାମ କରିବାକୁ ଚାହାନ୍ତି ବୋଲି କହିଥିଲେ ପ୍ରିୟା।