ଶ୍ରୀନଗର: ଶ୍ରୀନଗରର କେନ୍ଦ୍ରସ୍ଥଳୀ ଚତ୍ତବାଲ୍ ଅଞ୍ଚଳରେ ନିରାପତ୍ତା ବଳଙ୍କ ସହ ଗୁଳି ବିନିମୟ ସମୟରେ ଜଣେ ଆତଙ୍କବାଦୀ ନିହତ ହୋଇଛି। ସେ ଅଞ୍ଚଳରେ ଦୁଇ ଜଣ ଆତଙ୍କବାଦୀ ଛପି ରହିଛନ୍ତି ବୋଲି ସୂଚନା ପାଇ ନିରାପତ୍ତା ବଳ କର୍ଡନ୍ ଆଣ୍ଡ୍ ସର୍ଚ ଅପରେସନ୍ ଚଳାଇବା ବେଳେ ଗୁଳି ବିନିମୟ ହୋଇଥିଲା। ନିହତ ଆତଙ୍କବାଦୀର ଶବ ଏ ପର୍ଯ୍ୟନ୍ତ ଉଦ୍ଧାର କରାଯାଇ ନାହିଁ।
Sambad is now on WhatsApp
Join and get latest news updates delivered to you via WhatsApp
ଶନିବାର ସକାଳେ ଚାଲିଥିବା ଗୁଳି ବିନିମୟରେ ଜଣେ ସିଆର୍ପିଏଫ୍ ଯବାନ ଆହତ ହୋଇଛନ୍ତି। ସମ୍ପୃକ୍ତ ଅଞ୍ଚଳରୁ ଗୁଳି ଫୁଟିବାର ଶବ୍ଦ ଶୁଭୁଛି ବୋଲି ସ୍ଥାନୀୟ ଗଣମାଧ୍ୟମ ସୂଚନା ଦେଉଛନ୍ତି।
ଟୁଇଟର୍ରେ ଜମ୍ମୁ ଏବଂ କଶ୍ମୀରର ପୁଲିସ କହିଛି: କର୍ଡନ୍-ଆଣ୍ଡ୍-ସର୍ଚ ଅପରେସନ୍ ବେଳେ ଗୁଳି ବିନିମୟ ହୋଇଛି। ସେ ଅଞ୍ଚଳ କର୍ଡନ ଭିତରେ ରହିଛି। ପୂର୍ଣ୍ଣ ବିବରଣୀ ପରେ ଆସିବ।
ସ୍ଥାନୀୟ ଖବର ଅନୁସାରେ, ବରିଷ୍ଠ ପୁଲିସ ଅଧିକାରୀମାନେ କହୁଛନ୍ତି ଯେ ରାଜ୍ୟ ପୁଲିସ ଏବଂ ସିଆର୍ପିଏଫ୍ର ମିଳିତ ଦଳ ଚତ୍ତବାଲର ଗାସି ମୋହଲ୍ଲା ଅଞ୍ଚଳରେ କର୍ଡନ୍ କରିଛି।
ସମଗ୍ର ଶ୍ରୀନଗରରେ ଇଣ୍ଟର୍ନେଟ୍ ସେବା ବନ୍ଦ ରଖାଯାଇଛି।