ବ୍ୟାଙ୍କ ଆକାଉଣ୍ଟରେ କୋଟି କୋଟି ଟଙ୍କା ଥାଇ ମଧ୍ୟ ଏହି ଯୁବକ ନିଜକୁ ଦୁନିଆର ସବୁଠାରୁ ଭାଗ୍ୟହୀନ ମଣିଷ କାହିଁକି କହୁଛନ୍ତି ଜାଣନ୍ତୁ?
ନୂଆଦିଲ୍ଲୀ : ଟିକେ ଭାବନ୍ତୁ ତ ! ଯଦି ହଠାତ୍ ଆପଣଙ୍କ ଆକାଉଣ୍ଟକୁ କୋଟି କୋଟି ଟଙ୍କା ଆସି ଯାଉଛି ତେବେ ଆପଣ ଖୁସି ହେବେ କି ନାହିଁ । କିନ୍ତୁ ପାକିସ୍ତାନରେ ଜଣେ ଛୋଟ ମିଠା ବ୍ୟବସାୟୀଙ୍କ ଆକାଉଣ୍ଟରେ ୨କୋଟି ଟଙ୍କା ଥାଇ ମଧ୍ୟ ସେ ନିଜକୁ ଭାଗ୍ୟହୀନ ବୋଲି କହୁଛନ୍ତି । ଖୁସି ହେବା ପରିବର୍ତ୍ତେ ନିଜ ଆକାଉଣ୍ଟରେ ଥିବା ଟଙ୍କା ପାଇଁ ସେ ଏବେ ଚିନ୍ତାରେ ପଡ଼ିଛନ୍ତି । ଚିନ୍ତାର ପଡ଼ିବାର କାରଣ ମଧ୍ୟ କିଛି ସେପରି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ପାକିସ୍ତାନରେ ମିଠା ବ୍ୟବସାୟ କରୁଥିବା ଅବ୍ଦୁଲ କାଦିର ନିଜ ଆକାଉଣ୍ଟରେ ଦୁଇ କୋଟି ଟଙ୍କା ଥିବା କଥା ଜାଣି ଆଶ୍ଚର୍ଯ୍ୟ ହୋଇ ଯାଇଥିଲେ । ଏ ଟଙ୍କା ସେ ନିଜେ ନୁହେଁ ତାଙ୍କ ଅକାଉଣ୍ଟରେ ଅନ୍ୟ କେହି ରଖିଥିବା ଜାଣି ପାରିଥିଲେ ଅବ୍ଦୁଲ୍ । ତାଙ୍କ ପାଖକୁ ଏଫ୍ଆଇଏ ତରଫରୁ ଏକ ଚିଠି ଆସିବା ପରେ ଏହି ଟଙ୍କା ପୂର୍ବ ରାଷ୍ଟ୍ରପତି ଆସିଫ୍ ଅଲ୍ଲୀ କରିଥିବା ଘୋଟାଲା ସହ ଜଡ଼ିତ ବୋଲି ସେ ଜାଣିବାକୁ ପାଇଥିଲେ । ଏହା ସହ ତାଙ୍କ ବ୍ୟାଙ୍କ ଆକାଉଣ୍ଟରୁ ଦୁବାଇକୁ ମଧ୍ୟ ଟଙ୍କା ପଠା ଯାଇଛି ବୋଲି ଜାଣି ସେ ଆଶ୍ଚର୍ଯ୍ୟ ହୋଇ ଯାଇଥିଲେ ।
ଅନ୍ୟ ପକ୍ଷରେ,ଏହି କାମରେ ଅବ୍ଦୁଲଙ୍କର କୌଣସି ଦୋଷ ନ ଥିବା ଜାଣି ଏଫ୍ଆଇଏ ଏବେ ଅବ୍ଦୁଲଙ୍କ ନାମରେ ନକଲି ବ୍ୟାଙ୍କ ଆକାଉଣ୍ଟ ଖୋଲିଥିବା ବ୍ୟାଙ୍କ ଅଫିସରଙ୍କୁ ଖୋଜିବା ଆରମ୍ଭ କରିଥିବା ସୂଚନା ମିଳିଛି ।