ଶହ ଶହ କର୍ମଚାରୀଙ୍କୁ ଛଟେଇ କରିବ ଆଇଟି କମ୍ପାନି କଗନିଜାଣ୍ଟ
ବାଙ୍ଗାଲୁରୁ : କେବଳ ଅଟୋମୋବାଇଲ ଶିଳ୍ପ ନୁହେଁ, ଅନ୍ୟ କେତେକ କ୍ଷେତ୍ରରେ ମଧ୍ୟ ମାନ୍ଦାବସ୍ଥାର ପ୍ରଭାବ ଜାରି ରହିଛି । ଆଇଟି ଶିଳ୍ପରେ ମଧ୍ୟ ଅନ୍ତର୍ଜାତୀୟ ମାନ୍ଦାବସ୍ଥାର ପ୍ରଭାବ ପଡିଛି । ଏଥିଲାଗି ଆଇଟି କମ୍ପାନିମାନେ ନିଜର ଖର୍ଚ୍ଚ ହ୍ରାସ କରିବା ପାଇଁ ଶହ ଶହ କର୍ମଚାରୀଙ୍କୁ ଛଟେଇ କରିଚାଲିଛନ୍ତି । ଭାରତର ଅନ୍ୟତମ ଅଗ୍ରଣୀ ଆଇଟି କମ୍ପାନି କଗନିଜାଣ୍ଟ ନିଜର ଖର୍ଚ୍ଚକାଟ କରିବାକୁ ଶତାଧିକ କର୍ମଚାରୀଙ୍କୁ ଛଟେଇ କରିବା ଲାଗି ବିଚାର କରୁଛି । କଗନିଜାଣ୍ଟର ନୂଆ ସିଇଓ ବ୍ରାୟାନ ହମ୍ପାରିସ ଦାୟିତ୍ୱ ଗ୍ରହଣ କରିବା ପରେ କମ୍ପାନିର ଖର୍ଚ୍ଚକାଟ କରିବା ସହ କମ୍ପାନିର ଅପରେସନରେ କେତେକ ପରିବର୍ତ୍ତନ ଆଣିବାକୁ ଉଦ୍ୟମ କରୁଛନ୍ତି । କର୍ମଚାରୀ ଛଟେଇ କରିବା ପାଇଁ କମ୍ପାନି ନିଜର ଦକ୍ଷତା ବା ପ୍ରଦର୍ଶନ ମୂଲ୍ୟାଙ୍କନ ବା ଆପ୍ରାଇଜାଲ ପଦ୍ଧତିକୁ ଆହୁରି କଠୋର କରିଛି ।
Sambad is now on WhatsApp
Join and get latest news updates delivered to you via WhatsApp
ଏପରିକି ଗତ ମାର୍ଚ୍ଚମାସରେ କମ୍ପାନି ଅଫର ଲେଟର ପ୍ରଦାନ କରିଥିବା ନୂଆ ପେଶାଦାରମାନଙ୍କୁ ଏପର୍ଯ୍ୟନ୍ତ ଜଏନିଂ ତାରିଖ ପ୍ରଦାନ କରିନାହିଁ । ଜୁନ ୩୦ ସୁଦ୍ଧା କମ୍ପାନିର ମୋଟ କର୍ମଚାରୀ ସଂଖ୍ୟା ୨୮୮,୨୦୦ ଜଣ କର୍ମଚାରୀ ଥିଲେ ।