ନୂଆଦିଲ୍ଲୀ: ୨୦୧୪ରେ ବିପୁଳ ବିଜୟ ସହ କ୍ଷମତାକୁ ଆସିଥିବା ନରେନ୍ଦ୍ର ମୋଦି ସରକାରଙ୍କ ଏକ ପ୍ରମୁଖ ପ୍ରତିଶୃତି ଥିଲା ଭାରତର ସବୁଠୁ ବଡ଼ ତଥା ଗୁରୁତ୍ୱପୂର୍ଣ୍ଣ ନଦୀ ଗଙ୍ଗାକୁ ପ୍ରଦୂଷଣମୁକ୍ତ କରିବା । ଇତି ମଧ୍ୟରେ ମୋଦି ସରକାର ୨୦୧୯ର ନିର୍ବାଚନ ପାଇଁ ପ୍ରସ୍ତୁତି ଆରମ୍ଭ କରିଦେଇଥିବାବେଳେ ଗଙ୍ଗା ଯେଉଁ ପ୍ରଦୂଷିତକୁ ସେଇ ପ୍ରଦୂଷିତ ।
Sambad is now on WhatsApp
Join and get latest news updates delivered to you via WhatsApp
ନିକଟରେ ସଂସଦରେ ଉପସ୍ଥାପିତ ସିଏଜି ରିପୋର୍ଟରେ କୁହାଯାଇଛି ଯେ ଗଙ୍ଗା ସଫା ପାଇଁ କେନ୍ଦ୍ର ସରକାର ମଂଜୁର କରିଥିବା ୧୦୫ କୋଟି ଟଙ୍କାର ବ୍ୟୟବରାଦ ମଧ୍ୟରୁ ଗତ ଦୁଇ ବର୍ଷରେ ମାତ୍ର ୨୬ କୋଟି ଟଙ୍କା ବ୍ୟୟ ହୋଇପାରିଛି । ଗଙ୍ଗା ସଫା କରିବା ଲାଗି ଆବଶ୍ୟକ ଯୋଜନା, ଆର୍ଥିକ ପରିଚାଳନା ଓ କାର୍ଯ୍ୟାନ୍ଵୟନର ଅଭାବ ଫଳରେ ଏହି ପ୍ରକଳ୍ପ ନିଜର ଲକ୍ଷ୍ୟ ହାସଲରେ ବିଫଳ ହୋଇଛି ବୋଲି ସିଏଜି ନିଜ ରିପୋର୍ଟରେ କହିଛନ୍ତି । ଗଙ୍ଗା ନଦୀ କୂଳରେ ଥିବା ୧୦ଟି ପ୍ରମୁଖ ସହର ମଧ୍ୟରୁ କୌଣସି ଗୋଟିକରେ ପାଣି ଗାଧୋଇବା ଯୋଗ୍ୟ ନୁହେଁ ବୋଲି ରିପୋର୍ଟରେ କୁହାଯାଇଛି ।
ପ୍ରଧାନମନ୍ତ୍ରୀ ମୋଦି ଗତ ୨୦୧୫ରେ ଘୋଷଣା କରିଥିଲେ ଯେ ୨୦୧୫ରୁ ୨୦ ମଧ୍ୟରେ ଗଙ୍ଗା ସଫା ପାଇଁ ପ୍ରାୟ ୩୦୦ କୋଟି ଟଙ୍କା ବ୍ୟୟ ହେବ । କିନ୍ତୁ ୨ ବର୍ଷ ବିତି ଯାଇଥିଲେ ମଧ୍ୟ ଗଙ୍ଗା ଯେଉଁ ପ୍ରଦୂଷିତକୁ ସେଇ ପ୍ରଦୂଷିତ ହୋଇ ରହିଛି । ଏପରିକି ମୋଦିଙ୍କ ନିଜ ନିର୍ବାଚନମଣ୍ଡଳୀ ବାରାଣାସୀରେ ଏହି ନଦୀ ସବୁଠାରୁ ଅଧିକ ପ୍ରଦୂଷିତ ହୋଇ ରହିଛି ।