ବାଂଲାଦେଶର ପ୍ରଥମ ପରମାଣୁ ଶକ୍ତି କେନ୍ଦ୍ର ସ୍ଥାପନରେ ସାହାଯ୍ୟ କରିବେ ଭାରତ, ଋଷିଆ
ନୂଆଦିଲ୍ଲୀ : ବେସାମରିକ ପରମାଣୁ ଶକ୍ତି ସହାୟତା କ୍ଷେତ୍ରରେ ଭାରତ ପ୍ରଥମ ଥର ପାଇଁ ଏକ ତ୍ରିପାକ୍ଷିକ ଚୁକ୍ତି କରିଛି । ଗୁରୁବାରଦିନ ଭାରତ ନିଜର ପୁରୁଣା ସହଯୋଗୀ ଋଷିଆ ଓ ବାଂଲାଦେଶ ସହିତ ଏହି ତ୍ରିପାକ୍ଷିକ ଚୁକ୍ତି କରିଛି । ଏହି ଚୁକ୍ତି ଅନୁଯାୟୀ ଭାରତ ସରକାରଙ୍କ ଅଧିନସ୍ଥ ସଂସ୍ଥା ନ୍ୟୁକ୍ଲିୟର ପାଓ୍ଵାର କର୍ପୋରେସନ ଅଫ ଇଣ୍ଡିଆ (ଏନପିସିିଆଇଏଲ) ବାଂଲାଦେଶରେ ଏକ ପରମାଣୁ ଶକ୍ତି କେନ୍ଦ୍ର ପ୍ରତିଷ୍ଠା କରିବ । ଏଥିପାଇଁ ଋଷିଆ ପକ୍ଷରୁ ଉପକରଣ ଓ ଜ୍ଞାନକୌଶଳ ଏବଂ କଞ୍ଚାମାଲ ଯୋଗାଇଦେବ ।
Sambad is now on WhatsApp
Join and get latest news updates delivered to you via WhatsApp
ଏହି ଚୁକ୍ତି ଋଷିଆ ରାଜଧାନୀ ମସ୍କୋଠାରେ ଋଷିଆର ପରମାଣୁ ଗବେଷଣା ସଂସ୍ଥା ରୋଷାଟମର ମହା ନିର୍ଦ୍ଦେଶକ ନିକୋଲେ ସ୍ପାସକି, ଋଷରେ ଥିବା ବାଂଲାଦେଶ ରାଷ୍ଟ୍ରଦୂତ ଏସ.ଏମ.ସଇଫୁଲ ହକ୍ ଓ ଭାରତୀୟ ରାଷ୍ଟ୍ରଦୂତ ପଂକଜ ସରନ ମଧ୍ୟରେ ସ୍ୱାକ୍ଷରିତ ହୋଇଛି । ଏହି ପରମାଣୁ କେନ୍ଦ୍ର ସଂପୂର୍ଣ୍ଣ ହେେଲେ ତାହା ହେବ ବାଂଲାଦେଶର ପ୍ରଥମ ପରମାଣୁ ଶକ୍ତି କେନ୍ଦ୍ର । ଏହି ଅବସରରେ ବାଂଲାଦେଶ ପରମାଣୁ ଶକ୍ତି ଆୟୋଗର ପୂର୍ବତନ ସଭାପତି ଅଲି ଜୁଲକାରିନ କହିଛନ୍ତି ଯେ ଋଷିଆ ଓ ଭାରତ ପରମାଣୁ ଶକ୍ତି କ୍ଷେତ୍ରରେ ଅନେକ ଅଗ୍ରଗତି କରିଛନ୍ତି । ବାଂଲାଦେଶ ଏହି ଦୁଇ ଦେଶର ଅଭିଜ୍ଞତାରୁ ଲାଭ ଉଠାଇପାରିବ ।