ନୂଆଦିଲ୍ଲୀ: ସିବିଆଇ ଜଜ୍ ବି.ଏଚ୍. ଲୋୟାଙ୍କ ରହସ୍ୟମୟ ମୃତ୍ୟୁ ପ୍ରସଙ୍ଗ ଆଉ ଗୋଟିଏ ମୋଡ଼ ନେଇଛି । ଏହା ଏକ ହୃଦଘାତ ଜନିତ ମୃତ୍ୟୁ ଥିଲା ଓ ତାଙ୍କ ମୃତ୍ୟୁକୁ ନେଉ ହେଉଥିବା ରାଜନୀତି ବନ୍ଦ ହେଉ ବୋଲି ତାଙ୍କ ପରିବାର ପକ୍ଷରୁ କୁହାଯାଇଛି ।
Sambad is now on WhatsApp
Join and get latest news updates delivered to you via WhatsApp
ଆଜି ଏଠାରେ ଅନୁଷ୍ଠିତ ଏକ ସାମ୍ବାଦିକ ସମ୍ମିଳନାରେ ଜଷ୍ଟିସ୍ ଲୋୟାଙ୍କ ପୁତ୍ର ଅନୁଜ ଲୋୟା କହିଛନ୍ତି ଯେ ପିତାଙ୍କ ମୃତ୍ୟୁକୁ ନେଇ ହେଉଥିବା ଘଟଣାବଳୀକୁ ନେଇ ତାଙ୍କ ପରିବାର ବେଶ ଆଘାତ ପାଇଛି । ଆମକୁ ଶାନ୍ତିରେ ରହିବାକୁ ଦିଆଯାଉ ।
“ମୋ ପିତାଙ୍କ ମୃତ୍ୟୁକୁ ଆମର କୌଣସି ସଂଦେହ ନାହିଁ । ଆଗରୁ ଏ ନେଇ କିଛିଟା ସଂଦେହ ଥିଲା କିନ୍ତୁ ଏବେ ନାହିଁ ” ଅନୁଜ ଲୋୟା କହିଛନ୍ତି ।
ଗତ ୨୦୧୪ ଡିସେମ୍ବର ୧ ତାରିଖରେ ଜଷ୍ଟିସ ଲୋୟା ଜଣ ସହକର୍ମୀଙ୍କ ଝିଅ ବାହାଘରରେ ଯିବାବେଳେ ହୃଦଘାତରେ ତାଙ୍କର ମୃତ୍ୟୁ ହୋଇଥିଲା । ସେ ସମୟରେ ସେ ସୋରାବୁଦ୍ଦିନ ମିଥ୍ୟା ଏନକାଉଣ୍ଟର ମାମଲାର ବିଚାର କରୁଥିଲେ । ଏହାର କିଛିଦିନ ପରେ ଏକ ସିବିଆଇ କୋର୍ଟ ବିଜେପି ଅଧ୍ୟକ୍ଷ ଅମିତ ଶାହଙ୍କୁ ଏହି ମାମଲାରୁ ମୁକ୍ତ କରିଥିଲେ ।
ତେବେ ଜଷ୍ଟିସ ଲୋୟାଙ୍କ ମୃତ୍ୟୁର ଉପଯୁକ୍ତ ତଦନ୍ତ ହେଉ ବୋଲି କଂଗେରସ ଦାବି କରିଆସୁଛି । ଏପରିକି କିଛିଦିନ ତଳେ ମୁଖ୍ୟବିଚାରପତି ଦିପକ ମିଶ୍ରଙ୍କ ବିରୋଧରେ ଅଭିଯୋଗ କରିଥିବା ୪ଜଣ ସୁପ୍ରିମକୋର୍ଟ ବରିଷ୍ଠ ବିଚାରପତି ମଧ୍ୟ ଏ ନେଇ ଦାବି କରିଥିଲେ ।