ପାକିସ୍ତାନକୁ ପଇସାଟିଏ ବି ଦେବେନି ଟ୍ରମ୍ପ : ସବୁ ଅନୁଦାନ ଉପରେ ଲାଗିବ ରୋକ୍
ଓ୍ଵାସିଂଟନ: ଯାହା ଲାଗୁଛି କେବଳ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ନୁହେଁ, ଆମେରିକାର ସବୁ ସିନେଟର ଓ କଂଗ୍ରେସମ୍ୟାନ ପାକିସ୍ତାନ ଉପରେ ପୁରାପରି ଖପ୍ପା ଅଛନ୍ତି । ଆମେରିକାର ସିନେଟର ରାଣ୍ଡ ପଲ୍ ଶୁକ୍ରବାର ଦିନ ଏକ ଟ୍ଵିଟ୍ କଲେ ଯେ ପାକିସ୍ତାନକୁ କିଛି ଅନୁଦାନ ନୁହେଁ, ସବୁ ଅନୁଦାନ ବନ୍ଦ କରାଯାଉ । ଏହାର ଜବାବରେ ଟ୍ରମ୍ପଙ୍କ ଟ୍ଵିଟ୍ ତୁରନ୍ତ ଆସିଗଲା, ଲେଖିଥିଲେ ‘ଭଲ ଆଇଡିଆ ରାଣ୍ଡ୍’ ।
Sambad is now on WhatsApp
Join and get latest news updates delivered to you via WhatsApp
ଏକ ଭିଡିଓ ପୋଷ୍ଟ କରି ସିନେଟର ରାଣ୍ଡ୍ କହିଥିଲେ ଯେ ସେ ଖୁବଶୀଘ୍ର ଏକ ବିଲ୍ ଆଗତ କରି ପାକିସ୍ତାନକୁ ସବୁ ଆମେରିକୀୟ ଅନୁଦାନ ବନ୍ଦ ପାଇଁ ଦାବି କରିବେ । ମୋ ବିଲ୍ ମାଧ୍ୟମରେ ମୁଁ ଦାବି କରିବି ଯେ ଆମେରିକୀୟଙ୍କ ଅର୍ଥ ଆମେରିକାରେ ବିକାଶମୂଳକ କାର୍ଯ୍ୟ ପାଇଁ ବିନିଯୋଗ ହେଉ, ଅନ୍ୟ ଦେଶର ନିର୍ମାଣ ପାଇଁ ନୁହେଁ । ଆମ ପାଇଁ ଆମେରିକା ହିଁ ପ୍ରଥମ ।
Good idea Rand! https://t.co/55sqUDiC0s
— Donald J. Trump (@realDonaldTrump) January 6, 2018
ପଲ୍ କହିଛନ୍ତି ଯେ ୨୦୦୨ଠାରୁ ଆମେ ପାକିସ୍ତାନକୁ ପ୍ରାୟ ୩୩ ବିଲିୟନ ଡଲାର ଅନୁଦାନ ଦେଇସାରିଛୁ । କିନ୍ତୁ ତା ବଦଳରେ ପାଇଛୁ କ’ଣ? ଓସାମା ବିନ ଲାଡେନ ପାକିସ୍ତାନର ଏକ ସହରରେ ଲୁଚିଥିବା ସତ୍ତ୍ୱେ ପାକିସ୍ତାନ ସେହି ତଥ୍ୟ ଆମକୁ ଲୁଚାଇଥିଲା । ଆମଠାରୁ ଅନୁଦାନ ନେଇ ଆତଙ୍କବାଦୀଙ୍କୁ ବଢାଇବାରେ ବିନିଯୋଗ କରିଥିଲା ।
.@RandPaul: “I would take the money that we send to a lot of countries that aren’t necessarily our friends, like Pakistan – I would redirect that money into building roads and bridges here.” pic.twitter.com/edjlPK9RNC
— Fox News (@FoxNews) January 4, 2018
ଆମେରିକାର ଜାତୀୟ ପତାକା ପୋଡ଼ୁଥିବା, ଆମେରିକାର ମନ୍ଦ ପାଞ୍ଚୁଥିବା ଲୋକମାନଙ୍କୁ ଆମେ ପଇସାଟିଏ ମଧ୍ୟ ଦେବା ଉଚିତ ନୁହେଁ ।