ବିମାନ ମଧ୍ୟରେ ମଝି ଆକାଶରେ ଜନ୍ମନେଲା ଶିଶୁକନ୍ୟା
ଇସ୍ଲାମାବାଦ: ସାଉଦି ଆରବରୁ ମୁଲତାନ୍ ଅଭିମୁଖେ ଉଡ଼ାଣ ଭରୁଥିବା ଏକ ବିମାନ ଭିତରେ ମଝି ଆକାଶରେ ଜନୈକା ମହିଳା ମଙ୍ଗଳବାର ଅପରାହ୍ଣରେ ଏକ ଶିଶୁ କନ୍ୟାକୁ ଜନ୍ମ ଦେଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ଖବରରୁ ପ୍ରକାଶ, ପାକିସ୍ତାନ ଇଣ୍ଟରନ୍ୟାସନାଲ୍ ଏୟାରଲାଇନସ୍ (ପିଆଇଏ)ର ପିକେ ୭୧୬ ନମ୍ବର ବିମାନରେ ସଂପୃକ୍ତା ମହିଳା ଜଣକ ଯାତ୍ରା କରୁଥିଲେ। ତେବେ, ବିମାନଟି ମଝି ଆକାଶରେ ବିମାନଟି ଥିବାବେଳେ ମହିଳା ଜଣକ ଗର୍ଭବେଦନା ଅନୁଭବ କରିଥିଲେ। ଏପରି ସ୍ଥିତରେ ମହିଳାଜଣକଙ୍କୁ କିପରି ସାହାଯ୍ୟ ସହଯୋଗ ଯୋଗାଯାଇ ପାରିବ, ସେ ସଂପର୍କରେ ବିମାନର କର୍ମଚାରୀମାନେ ବୁଦ୍ଧିବାଟ ପାଇ ନ ଥିଲେ। ପରେ ମହିଳା ଜଣଙ୍କର ଗର୍ଭବେଦନା ପ୍ରବଳ ହେବାରୁ ବିମାନରେ ଥିବା ମହିଳା ବିମାନ ପରିଚାଳିକାମାନେ ତାଙ୍କୁ ସହଯୋଗ କରି ଏକ କନ୍ୟା ସନ୍ତାନକୁ ପ୍ରସବ କରାଇବାରେ ସଫଳ ହୋଇଥିଲେ।
ଏହି ଘଟଣାରେ ଅତ୍ୟନ୍ତ ଖୁସି ବ୍ୟକ୍ତ କରିବା ସହ ପିଆଇଏ ପକ୍ଷରୁ ଟୁଇଟ୍ କରି କୁହାଯାଇଛି, ‘ପ୍ରତ୍ୟେକ ଦିନ କିଛି ନା କିଛି ଅଲୌକିକ ଘଟଣା ଘଟିଥାଏ। ଏହି କ୍ରମରେ ଆଜି ପିକେ ୭୧୬ ବିମାନଟି ମଦିନାରୁ ମୁଲ୍ତାନ୍ ମଝିରେ ଆକାଶରେ ଉଡୁଥିବା ବେଳେ ସଂପୃକ୍ତ ବିମାନ ଭିତରେ ଏକ ଛୋଟ ଅଲୌକିକ ଘଟଣା ଘଟିଛି। ଯେଉଁଥିରେ ଏକ ସୁନ୍ଦର ଶିଶୁକନ୍ୟା ବିମାନ ଭିତରେ ଜନ୍ମ ନେଇଛି। ନୂତନ ଶିଶୁକନ୍ୟାର ଗର୍ବିତ ପିତାମାତାଙ୍କୁ ଆମେ ଅଭିନନ୍ଦନ ଜଣାଇବା ସହ ପ୍ରସବ କରାଇବାରେ ସାହାଯ୍ୟ କରିଥିବା ଆମର କ୍ୟାବିନ୍ କ୍ର୍ୟୁମାନଙ୍କୁ ଧନ୍ୟବାଦ ଜଣାଉଛୁ।’
Miracles happen everyday and we had our little miracle today onboard our flight PK 716 from Madinah to Multan. A beautiful baby girl was born! We congratulate the proud parents on the new arrival and a big kudos to our cabin crew for their amazing emergency response. #PIA pic.twitter.com/RPo8wyFvvE
— PIA (@Official_PIA) December 12, 2017
ଏହି ଟୁଇଟ୍ ସହ ନବଜାତ ଶିଶୁକନ୍ୟାର ଫଟୋକୁ ମଧ୍ୟ ପୋଷ୍ଟ କରିଛି ପିଆଇଏ। ତେବେ, ବିମାନ ମଧ୍ୟରେ ପ୍ରସବ କରିଥିବା ମହିଳାଙ୍କର ପରିଚୟ ଏଯାବତ୍ ଜଣାପଡ଼ି ନାହିଁ।