କୋଚି : ସୁପ୍ରିମକୋର୍ଟଙ୍କ ନିର୍ଦ୍ଦେଶ ଓ ତାକୁ କାର୍ଯ୍ୟକାରୀ କରିବାକୁ କେରଳ ରାଜ୍ୟ ସରକାରଙ୍କ ପ୍ରବଳ ଉଦ୍ୟମ ସତ୍ତ୍ୱେ କେରଳର ପ୍ରସିଦ୍ଧ ତୀର୍ଥ କ୍ଷେତ୍ର ସାବରିମାଲାରେ ଏପର୍ଯ୍ୟନ୍ତ କୌଣସି ମହିଳା ପ୍ରବେଶ କରିପାରିନାହାନ୍ତି । ଅନେକ ମହିଳା ପ୍ରବେଶ ପାଇଁ ଉଦ୍ୟମ କରି ଶ୍ରଦ୍ଧାଳୁଙ୍କ ପ୍ରବଳ ବିରୋଧ ଯୋଗୁଁ ଫେରିଆସିଛନ୍ତି । ତେବେ ମହିଳାମାନେ ସାବରିମାଲା ମନ୍ଦିରରେ ଦର୍ଶନ ପାଇଁ ଏକ ଅଭିନବ ଉପାୟ ଅବଲମ୍ବନ କରୁଛନ୍ତି । ଏହା ଦ୍ୱାରା ମନ୍ଦିରର ଦିଅଁଙ୍କୁ ସେମାନେ ଦର୍ଶନ କରିବା ସହ ପରମ୍ପରା ମଧ୍ୟ ଅକ୍ଷୁର୍ଣ୍ଣ ରହୁଛି । ସ୍ମାର୍ଟଫୋନ ଏହି ଅସମ୍ଭବକୁ ସମ୍ଭବ କରି ଦେଖାଉଛି । ପରିବାରର ପୁରୁଷମାନେ ସାବରିମାଲା ଯାଇ ଆୟାପ୍ପାସ୍ୱାମୀଙ୍କ ଦର୍ଶନ କରିବା ସହ ନିଜ ସ୍ମାର୍ଟଫୋନରେ ଭିଡିଓ କଲିଂ କରି ଘରେ ଥିବା ମହିଳାମାନଙ୍କୁ ଦର୍ଶନ କରାଉଛନ୍ତି ।
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ ଯେ ପୂର୍ବରୁ ୧୦ରୁ ୫୦ ବର୍ଷ ବୟସର ମହିଳାଙ୍କ ପାଇଁ ଏହି ଭଗବାନ ଆୟାପ୍ପାଙ୍କ ମନ୍ଦିରକୁ ଯିବା ନିଷିଦ୍ଧ ଥିଲା, କିନ୍ତୁ ସୁପ୍ରିମକୋର୍ଟ ଏକ ଜନସ୍ୱାର୍ଥ ମାମଲାର ବିଚାର କରି ସବୁ ବୟସର ମହିଳାଙ୍କ ପ୍ରବେଶ ଅନୁମତି ଦେଇଥିଲେ । କିନ୍ତୁ ଏହାକୁ ସମଗ୍ର ଦକ୍ଷିଣ ଭାରତ ବିଶେଷକରି ଆୟାପ୍ପା ଭକ୍ତମାନଙ୍କ ମଧ୍ୟରେ ତୀବ୍ର ପ୍ରତିକ୍ରିୟା ଦେଖାଦେଇଛି ।