ଚଳନ୍ତା ବସରେ ଅସଦାଚରଣ କରିବା ମହଙ୍ଗା ପଡ଼ିଲା, ଯୁବକଙ୍କୁ ଚପଲରେ ପିଟିଲେ ଯୁବତୀ
ଭୁବନେଶ୍ୱର: ଭୁବନେଶ୍ୱର ଚଳନ୍ତା ବସରେ ଯୁବତୀଙ୍କୁ ଅସଦାଚରଣ କରିବା ଯୁବତୀଙ୍କୁ ମହଙ୍ଗା ପଡ଼ିଛି । ଅସଦାଚରଣ କରିବା ପରେ ଯୁବକଙ୍କୁ ଗାଡି ଭିତରେ ଜୋତାରେ ପିିଟିଥିଲେ ଯୁବତୀ । ଯାହାର ଏକ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ତେବେ ଏହି ଅଭାବନୀୟ ଘଟଣା ଭୁବନେଶ୍ୱର ଖଣ୍ଡଗିରି ଅଞ୍ଚଳରେ ଘଟିଛି।
Sambad is now on WhatsApp
Join and get latest news updates delivered to you via WhatsApp
ଯୁବତୀଙ୍କ ଅଭିଯୋଗ ଅନୁଯାୟୀ, ସିଟି ବସରେ ପାଖରେ ବସିଥିବା ଯୁବକ ଜଣଙ୍କ ତାଙ୍କୁ ବାରମ୍ବାର ଛୁଇଁବାକୁ ପ୍ରୟାସ କରିଥିଲେ । ଶେଷରେ ଯୁବତୀ ଜଣଙ୍କ ବିରକ୍ତ ହୋଇ ସିଟରୁ ଉଠିପଡି ବଡ ପାଟିରେ ଚିଲାଇବା ସହ ସମ୍ପୃକ୍ତ ଯୁବକଙ୍କୁ ଗାଳି ଗୁଲଜ କରିଥିଲେ । ଯୁବକ ଜଣଙ୍କୁ ବସରୁ ଓହ୍ଲାଇ ଯିବାକୁ କହୁଯାଇଥିଲା । ତେବେ ଯୁବତୀଙ୍କ ଅଭିଯୋଗକୁ ଯୁବକ ଜଣଙ୍କ ଅସ୍ୱୀକାର କରିବା ସହ ବସରୁ ଓହ୍ଲାଇବା ପାଇଁ ରାଜି ହୋଇ ନଥିଲେ । ଏଥିରେ ଉତକ୍ଷିପ୍ତ ହୋଇ ଯୁବକଙ୍କୁ ଚପଲରେ ପିଟିଥିଲେ ଯୁବତୀ । ଏହାପରେ ବସରେ ଉତ୍ତେଜନା ଦେଖା ଦେଇଥିଲା ।