ମାସୁଦ ଅଝାରକୁ ନେଇ ଜୋର ଧରିଛି ରାଜନୈତିକ ବୟାନବାଜି : ଟଣା ହେଲେ ଜାତୀୟ ସୁରକ୍ଷା ପରାମର୍ଶଦାତା ଅଜିତ ଡୋଭାଲ୍

1

ନୂଆଦିଲ୍ଲୀ: ଦୁର୍ଦ୍ଦାନ୍ତ ଆତଙ୍କବାଦୀ ମାସୁଦ ଅଝାରକୁ ନେଇ ଜୋର ଧରୁଛି ରାଜନୀତି । ୧୯୯୯ରେ ବିଜେପି ସରକାରଙ୍କ ଯୋଗୁଁ କାନ୍ଦାହାର ବିମାନ ଅପହରଣ ଘଟଣାରେ ମାସୁଦକୁ ମୁକ୍ତ କରାଯାଇଥିଲା ବୋଲି ଅଭିଯୋଗ କରିଛି କଂଗ୍ରେସ । ଯାହା ଫଳରେ ପୁଲୱାମା ପରି ଆକ୍ରମଣ କରିବାରେ ଆତଙ୍କବାଦୀ ସଫଳ ହୋଇଛି ବୋଲି କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ କହିଛନ୍ତି । ଅପରପକ୍ଷରେ କାନ୍ଦାହାର ଘଟଣାରେ ମାସୁଦକୁ ମୁକ୍ତ କରିବାର ନିଷ୍ପତ୍ତି ସର୍ବଦଳୀୟ ବୈଠକରେ ନିଆଯାଇଥିଲା ବୋଲି କେନ୍ଦ୍ର ସରକାର ସ୍ପଷ୍ଟ କରିଛନ୍ତି । ସେହିପରି ଜାତୀୟ ସୁରକ୍ଷା ପରାମର୍ଶଦାତା ଅଜିତ ଡୋଭାଲଙ୍କୁ ମଧ୍ୟ ଟାର୍ଗେଟ୍ କରିଛନ୍ତି କଂଗ୍ରେସ ଅଧ୍ୟକ୍ଷ ।

ପ୍ରାୟ ଏକ ଦଶକ ପୂର୍ବରୁ ଦୁର୍ଦ୍ଦାନ୍ତ ଆତଙ୍କବାଦୀ ମାସୁଦ ଅଝାରକୁ ମୁକ୍ତ କରିବା ନେଇ ବିଜେପିକୁ ଦାୟୀ କରିଛି କଂଗ୍ରେସ । ୧୯୯୯ କାନ୍ଦାହାର ବିମାନ ଅପହରଣ ଯୋଗୁଁ ମାସୁଦକୁ ମୁକ୍ତ କରାଯାଇଥିଲା  । କଂଗ୍ରେସ ସରକାର ମାସୁଦକୁ ଗିରଫ କରିଥିବା ବେଳେ ବିଜେପି ସରକାର ତାକୁ ମୁକ୍ତ କରିଥିଲେ ଏବଂ ସେହି ଘଟଣା ପାଇଁ ଏବେ ପାକିସ୍ତାନର ଆତଙ୍କବାଦୀ ଅଝାର ପୁଲୱାମାରେ ଆକ୍ରମଣ କରିଛି, ଯେଉଁଥିରେ ୪୦  ଯବାନ ସହିଦ ହୋଇଛନ୍ତି ବୋଲି ରାହୁଲ କହିଛନ୍ତି । ଏଥିପାଇଁ ଏନଏସଏ ଅଜିତ ଡୋଭାଲ ମଧ୍ୟସ୍ଥତା କରିବା ସହ ନିଜେ ଯାଇ କାନ୍ଦାହାରରେ ମାସୁଦକୁ ମୁକ୍ତ କରି ଆସିଥିଲେ ବୋଲି କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ କହିଛନ୍ତି । ଏନେଇ ଅଜିତ ଡୋଭାଲଙ୍କ ଏକ ଫଟୋକୁ ରାହୁଲ ଗାନ୍ଧୀ ଟ୍ୱିଟ୍ ମଧ୍ୟ କରିଛନ୍ତି ।

ତେବେ ବିଜେପି ସରକାର ଏହାକୁ ଖଣ୍ଡନ କରିଛନ୍ତି । କାନ୍ଦାହାର ବିମାନ ଅପହରଣରେ ମାସୁଦକୁ ମୁକ୍ତ କରିବା ନେଇ ନିଷ୍ପତ୍ତି ସର୍ବଦଳୀୟ ବୈଠକରେ ନିଆଯାଇଥିଲା ବୋଲି ବିଜେପି କହିଛି । ଏନଏସଏ ଅଜିତ ଡୋଭାଲଙ୍କୁ ନେଇ ରାହୁଲ ଗାନ୍ଧୀ ମିଛ କହୁଛନ୍ତି ବୋଲି ବିଜେପି ପକ୍ଷରୁ ଟ୍ୱିଟ୍ କରାଯାଇଛି । ମାସୁଦକୁ ମୁକ୍ତ କରିବା ଟିମରେ ନୁହେଁ ବରଂ ଆଲୋଚନା କରିବା ଟିମରେ ଅଜିତ ଡୋଭାଲ ଥିଲେ ବୋଲି ସରକାର କହିଛନ୍ତି। ୧୯୯୯ରେ ଗୁଇନ୍ଦା ସଂସ୍ଥାର ଅତିରିକ୍ତ ନିର୍ଦ୍ଦେଶକ ଥିଲେ ଅଜିତ ଡୋଭାଲ । ସେପଟେ ରାହୁଲ ତାଙ୍କର ଏହି ବୟାନ ବେଳେ ଆତଙ୍କବାଦୀ ମାସୁଦ ଅଝାରକୁ ଜୀ ବୋଲି ସମ୍ବୋଧନ କରିବାକୁ ନେଇ ମଧ୍ୟ ଆରୋପ ପ୍ରତ୍ୟାରୋପ ରାଜନୀତି ଜୋର ଧରିଛି ।
ସମ୍ବନ୍ଧିତ ଖବର

Leave A Reply

Your email address will not be published.

1 Comment
  1. Surya says

    Mean politics ?