ମୋଦି କଣ ପୁରୀରୁ ନିର୍ବାଚନ ଲଢିବେ ? କଣ କହୁଛନ୍ତି ମୋଦି, ଜାଣନ୍ତୁ
ଭୁବନେଶ୍ୱର : ଆଗାମୀ ସାଧାରଣ ନିର୍ବାଚନରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କଣ ଓଡ଼ିଶାର ପୁରୀରୁ ନିର୍ବାଚନ ଲଢିବେ ? ଏହି ପ୍ରଶ୍ନ ବିଗତ କିଛି ମାସ ଧରି ଓଡ଼ିଶାର ରାଜନୈତିକ ମହଲରେ ଓ ଗଣମାଧ୍ୟମରେ ବେଶ ଚର୍ଚ୍ଚାର ବିଷୟ ହୋଇଛି । କିନ୍ତୁ ଏସଂପର୍କରେ ଆଜି ଖୋଦ ପ୍ରଧାନମନ୍ତ୍ରୀ ମୁହଁ ଖୋଲିଛନ୍ତି । ନ୍ୟୁଜ ଏଜେନ୍ସି ଏଏନଆଇକୁ ଏକ ସାକ୍ଷତକାର ଦେଇ ସେ ପରୋକ୍ଷରେ ସୂଚାଇ ଦେଇଛନ୍ତି ଯେ ଏହା ଏକ କଳ୍ପନାଜଳ୍ପନା ମାତ୍ର । ଏହା ମଧ୍ୟ କହିଛନ୍ତି ଯେ ଏହା ଗଣମାଧ୍ୟମର ଏକ ପରିକଳ୍ପନା ।
Sambad is now on WhatsApp
Join and get latest news updates delivered to you via WhatsApp
ପ୍ରଧାନମନ୍ତ୍ରୀଙ୍କ ଏହି ବକ୍ତବ୍ୟ ପରେ ମୋଦି ପୁରୀରୁ ଲଢିବା ନେଇ ଯେ ଦଳ କୌଣସି ଯୋଜନା କରୁନଥିବା ସ୍ପଷ୍ଟ ହୋଇଯାଇଛି । ତେବେ ଏହା ମଧ୍ୟ ହୋଇପାରେ ଯେ ପ୍ରଧାନମନ୍ତ୍ରୀ ପୁରୀରୁ ଲଢିବା ନେଇ ଦଳ ଏବେଠାରୁ କୌଣସି ଯୋଜନା ପ୍ରକାଶ କରିବାକୁ ଚାହୁଁନାହିଁ । ଗତ ୨୦୧୪ ନିର୍ବାଚନରେ ପ୍ରଧାନମନ୍ତ୍ରୀ ଉତ୍ତରପ୍ରଦେଶର ବାରାଣାସୀରୁ ନିର୍ବାଚନ ଲଢି ବିଜୟୀ ହୋଇଥିଲେ । ମୋଦି ବାରାଣାସୀରୁ ଲଢିବା ପରେ ଦଳ ଉତ୍ତରପ୍ରଦେଶରେ ଅଭୁତପୂର୍ବ ସଫଳତା ହାସଲ କରିଥିଲା ।