ଗରମ ଓ ଥଣ୍ଡା ସମସ୍ୟାରୁ ମିଳିବ ମୁକ୍ତି : ଗରମ ଦିନରେ ଶରୀରକୁ ଥଣ୍ଡା ଓ ଶୀତ ଦିନରେ ଗରମ ଅନୁଭୂତ କରାଇବ ଏହି କପଡା!
ପ୍ରବଳ ଗରମ ଓ ଥଣ୍ଡା ସମସ୍ୟାରୁ ଖୁବ୍ଶୀଘ୍ର ମିଳିବ ମୁକ୍ତି। ମେରିଲ୍ୟାଣ୍ଡ ବିଶ୍ୱବିଦ୍ୟାଳୟର ଏକ ଟିମ୍ ଏମିତି କପଡା ତିଆରି କରିଛନ୍ତି, ଯାହା ପାଣିପାଗ ଅନୁସାରେ, ଆପଣଙ୍କ ଶରୀରର ତାପମାତ୍ରା ବଦଳାଇ ଆପଣଙ୍କ ଶରୀରକୁ ଆଶ୍ୱସ୍ତି ଦେବ । ଏହି କପଡା ଗରମ ଦିନରେ ଶରୀରକୁ ଥଣ୍ଡା ଓ ଶୀତ ଦିନରେ ଗରମ ଅନୁଭୂତ କରାଇବ।
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ, ଏହି କପଡା ଦେଖିବାକୁ ସାଧାରଣ ଉଲ୍ କପଡା ଭଳି, କିନ୍ତୁ ଏହାର ବିଶେଷତ୍ୱ ଏହା ଯେ, ଏଥିରେ ନାନୋଟ୍ୟୁବ ଲଗାଯାଇଛି । ଯାହା ପାଣିପାଗ ମୁତାବକ ତାପମାତ୍ରା ବଦଳାଇ ଶରୀରକୁ ଆଶ୍ୱସ୍ତି ଦେବ । ଏହି କପଡା ତିଆରି କରୁଥିବା ଟିମଙ୍କ କହିବାନୁସାରେ, ସେମାନେ ଏହି କପଡା ପାଣିପାଗର ପରିବର୍ତ୍ତନକୁ ଧ୍ୟାନରେ ରଖି ତିଆରି କରାଯାଇଛି । ଯଦ୍ୱାରା ଲୋକମାନଙ୍କୁ ପ୍ରତ୍ୟେକ ପାଣିପାଗରେ ଯେଉଁ ଭିନ୍ନ ଭିନ୍ନ କପଡା କିଣିବାର ଅସୁବିଧା ହୋଇଥାଏ ତା’ଠାରୁ ମୁକ୍ତି ପାଇପାରିବେ । ଏହି କପଡାର ମୂଲ୍ୟ ୫ ଡଲାର(୩୫୦ ଟଙ୍କା) ପର୍ଯ୍ୟନ୍ତ ହେବାର ଆଶା କରାଯାଉଛି ।
ଏହା ପ୍ରଥମ ଥର ନୁହେଁ, ଏଭଳି କପଡା ପୂର୍ବରୁ ମଧ୍ୟ ତିଆରି କରାଯାଇସାରିଛି । କିନ୍ତୁ ଏହା କେବଳ ସ୍ପୋର୍ଟସ ପୋଷାକରେ ଆସେ । କିନ୍ତୁ ଏବେ ପ୍ରତିଦିନ ବ୍ୟବହାର କରାଯାଉଥିବା କପଡାରେ ଏହାର ବ୍ୟବହାର ହେବ । ଏହି କପଡା ଜରିଆରେ ବ୍ୟକ୍ତିିର ଶରୀରର ତାପମାତ୍ରା ୩୫% ପର୍ଯ୍ୟନ୍ତ ମ୍ୟାନେଜ୍ ହୋଇପାରିବ । ଯଦ୍ୱାରା ଥଣ୍ଡା ଓ ଗରମର ଅନୁଭବକୁ ମଧ୍ୟ କମ୍ କରାଯାଇପାରିବ । ଏପର୍ଯ୍ୟନ୍ତ ଯେତେ ବି କପଡା ଆସିଛି, ସେଥିରେ ମାତ୍ର ୫% ହିଁ ଶରୀରର ତାପମାତ୍ରାକୁ ମ୍ୟାନେଜ୍ କରିବାର କ୍ଷମତା ରହିଛି ।