ଆଇପିଏଲ୍ ୧୨: ପଂଜବାକୁ ୧୬୧ ରନ୍ ଟାର୍ଗେଟ ଦେଲା ଚେନ୍ନାଇ
ଚେନ୍ନାଇ: ଇଣ୍ଡିଆନ୍ ପ୍ରିମିୟର ଲିଗ୍ର ୧୮ତମ ମ୍ୟାଚ୍ରେ କିଙ୍ଗ୍ ଏକ୍ସଆଇ ପଂଜାବକୁ ଶନିବାର ଚେନ୍ନାଇ ସୁପର କିଙ୍ଗସ୍ ପକ୍ଷରୁ ୧୬୧ ରନ୍ ଟାର୍ଗେଟ ମିଳିଛି। ସ୍ଥାନୀୟ ଏମ୍.ଏ. ଚିଦାମ୍ବରମ୍ ଷ୍ଟାଡିୟମ୍ରେ ଚେନ୍ନାଇ ଟସ୍ ଜିଣି ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଥିଲା। ମହେନ୍ଦ୍ର ସିଂହ ଧୋନିଙ୍କ ନେତୃତ୍ୱରେ ଦଳ ନିର୍ଦ୍ଧାରିତ ୨୦ ଓଭରରେ ୩ ଓ୍ଵିକେଟ୍ ହରାଇ ୧୬୦ ରନ୍ କରିଛି। ଫଳରେ ପଂଜାବକୁ ୧୬୧ ରନ୍ ଟାର୍ଗେଟ ମିଳିଛି।
Sambad is now on WhatsApp
Join and get latest news updates delivered to you via WhatsApp
ଓପନ୍ର ସେନ୍ ଓ୍ଵାଟସନ୍ ୨୪ଟି ବଲ ଖେଳି ୨୬ ରନ୍ କରିଥିଲେ। ସେ ଅଧିନାୟକ ରବିଚନ୍ଦ୍ରନ ଅଶ୍ୱିନଙ୍କ ଦ୍ୱାରା ଆଉଟ୍ ହୋଇ ପାଭଲିଅନ୍ ଫେରିଥିଲେ। ଚେନ୍ନାଇ ୭.୨ ଓଭରରେ ପ୍ରଥମ ଓ୍ଵକେଟ ହରାଇଥିଲା। ଫାଫ୍ ଡୁ ପ୍ଲେସିସ୍ (୫୪ ରନ୍, ୩୮ ବଲ, ୨ ଚୌକା, ୪ ଛକା)ଙ୍କ ବିସ୍ଫୋରକ ବ୍ୟାଟିଂ ବଳରେ ଚେନ୍ନାଇ ୨ୟ ଓ୍ଵିକେଟ ହରାଇବା ବେଳକୁ ସ୍କୋର ୧୦୦ ରନ୍ରେ ପହଂଚିଥିଲା।
ଡୁପ୍ଲେସି ମଧ୍ୟ ଅଶ୍ୱିନଙ୍କ ଦ୍ୱାରା ଆଉଟ୍ ହୋଇଥିଲେ। ଏହା ପରେ ପଡ଼ିଆକୁ ପ୍ରବେଶ କରିଥିଲେ ମହେନ୍ଦ୍ର ସିଂହ ଧୋନି (ଅପରାଜିତ ୩୭ ରନ, ୨୩ ବଲ, ୪ ଚୌକା, ୧ ଛକା)। ଡୁପ୍ଲେସିଙ୍କ ଆଉଟ୍ ହେବା ପରେ ସୁରେଶ ରାଇନା ଅଶ୍ୱିନଙ୍କ ଗୋଟିଏ ବଲ ସମ୍ମୁଖୀନ ହୋଇ ପାଭଲିଅନ ଫେରିଥିଲେ। ଧୋନିଙ୍କ ସହିତ ଖେଳିବା ପଡ଼ିଆକୁ ପ୍ରବେଶ କରିଥିଲେ ଅମ୍ବାତି ରାୟଡୁ (ଅପରାଜିତ ୨୧ ରନ, ୧୫ ବଲ, ୧ ଚୌକା, ୧ ଛକା)।