ବାରବାଟୀ ମ୍ୟାଚ୍ ପାଇଁ ଆରମ୍ଭ ହେଲା ଅନଲାଇନ୍ ଟିକେଟ୍ ବିକ୍ରି : ୱେବସାଇଟରେ ମିଳୁଛି ଟିକେଟ୍, ଜାଣନ୍ତୁ କେମିତି କରିବେ ବୁକିଂ
କଟକ: ଆସନ୍ତା ଡିସେମ୍ୱର ୨୨ ତାରିଖରେ ବାରବାଟୀରେ ହେବ ଭାରତ ୱେଷ୍ଟଇଣ୍ଡିଜ ଦିନିକିଆ ମ୍ୟାଚ୍ । ଏହି ମ୍ୟାଚ ପାଇଁ ଆରମ୍ଭ ହୋଇଛି ଅନଲାଇନ୍ ଟିକେଟ୍ ବିକ୍ରି । ଡବ୍ଲୁଡବ୍ଲୁଡବ୍ଲୁ ଡଟ୍ ବୁକ୍ ମାଇଁ ସୋ (www.bookmyshow.com), ଡବ୍ଲୁଡବ୍ଲୁଡବ୍ଲୁ ଡଟ୍ ପେଟିଏମ୍ ଡଟ୍ ଇନ୍ (www.paytm.in) କିଂବା ଡବ୍ଲୁଡବ୍ଲୁଡବ୍ଲୁ ଡଟ୍ ଇନସାଇଡର ଡଟ୍ ଇନ୍ (www.insider.in) ୱେବସାଇଟକୁ ଯାଇ ଟିକେଟ୍ ବୁକିଂ କରିପାରିବେ । ଦିନ ୨ଟାରୁ ଆରମ୍ଭ ହୋଇଛି ଅନଲାଇନ୍ ବୁକିଂ ।
Sambad is now on WhatsApp
Join and get latest news updates delivered to you via WhatsApp
ନିଜ ପରିଚୟପତ୍ର ଯେପରିକି ଆଧାର କାର୍ଡ କିଂବା ଭୋଟର କାର୍ଡର ନମ୍ବର ପଂଜିକରଣ କରାଇ ଡେବିଟ୍ କାର୍ଡ କିଂବା କ୍ରେଡିଟ୍ କାର୍ଡରେ ଅନଲାଇନ୍ ବ୍ୟାକିଙ୍ଗରେ ଟିକେଟ୍ ବୁକିଂ କରିପାରିବେ । ଏହାପରେ ଏହି ଅନଲାଇନ୍ ରସିଦକୁ ଦେଖାଇ ଟିକେଟ୍ କାଉଂଟରରୁ ପରିଚୟ ପତ୍ର ଦେଖାଇ ଟିକେଟ୍ ଆଣିପାରିବେ । ଅନଲାଇନ୍ ଟିକେଟ୍ ବୁକିଂ ବେଳେ ଜଣେ ବ୍ୟକ୍ତି ସର୍ବାଧିକ ୨ଟି ଟିକେଟ୍ ବୁକିଂ କରିପାରିବ । ଅନଲାଇନରେ କେବଳ ଗ୍ୟାଲେରି ଟିକେଟ୍, ସ୍ପେଶାଲ ଏନକ୍ଲୋଜର, ଭିଆଇପି ବକ୍ସ ଟିକେଟ୍ ବୁକ୍ କରିପାରିବେ ।
୮ ହଜାର ୧୫୦ଟି ଟିକେଟ୍ ଅନଲାଇନରେ ବିକ୍ରି ପାଇଁ ଉଦ୍ଦିଷ୍ଟ ରହିଛି । ଯେଉଁମାନେ ଟିକେଟ୍ କିଣିବାକୁ ଧାଡିରେ ଘଂଟା ଘଂଟା ଧରି ଠିଆହୋଇ ଟିକେଟ୍ କିଣିବାକୁ ପସନ୍ଦ କରିନଥାନ୍ତି, ସେମାନଙ୍କ ପାଇଁ ଏହି ଅନଲାଇନ୍ ଟିକେଟ୍ ବୁକିଂ ସବୁଠାରୁ ବଡ ସୁଯୋଗ ହେବ । ଆସନ୍ତା ୧୯ ତାରିଖରେ ବାରବାଟୀର ଟିକେଟ୍ କାଉଣ୍ଟରରେ ସାଧାରଣ ଦର୍ଶକଙ୍କ ପାଇଁ ଟିକେଟ୍ ବିକ୍ରି କରାଯିବ । ବାରବାଟୀର ଦର୍ଶକ କ୍ଷମତା ପ୍ରାୟ ୪୩ ହଜାର ୯୨୯ ରହିଛି ।