ରବି ଶାସ୍ତ୍ରୀ ସାକ୍ଷାତକାରରେ କହିଲେ- ‘ବିଶ୍ୱକପ’ର ଗୋଟିଏ ଖରାପ ଦିନ ଟିମ୍କୁ ଖରାପ କରିପାରିବ ନାହିଁ
ନୂଆଦିଲ୍ଲୀ: କପିଳ ଦେବ, ଅଂଶୁମାନ ଗାୟକଓ୍ଵାଡ ଓ ଶାନ୍ତା ରଙ୍ଗସ୍ୱାମୀଙ୍କୁ ନେଇ ଗଠିତ କ୍ରିକେଟ ଉପଦେଷ୍ଟା କମିଟି (ସିଏସି) ରବି ଶାସ୍ତ୍ରୀଙ୍କୁ ଭାରତୀୟ ପୁରୁଷ କ୍ରିକେଟ୍ ଟିମ୍ର ମୁଖ୍ୟ କୋଚ ପଦରେ ପୁଣି ଥରେ ଅବସ୍ଥାପିତ କରିଛି। ଶାସ୍ତ୍ରୀଙ୍କ ନୂତନ କାର୍ଯ୍ୟକାଳ ଟି-୨୦ ବିଶ୍ୱକପ୍-୨୦୨୧ ଯାଏଁ ଜାରି ରହିବ। ସେ ଏବେ ଭାରତୀୟ ଟିମ୍ ସହିତ ୱେଷ୍ଟଇଣ୍ଡିଜ ଗସ୍ତରେ ଅଛନ୍ତି ଏବଂ ସେ ଭିଡିଓ କନ୍ଫରେନ୍ସ ଜରିଆରେ ସିଏସିର ସମ୍ମୁଖରେ ସାକ୍ଷାତକାର ଦେଇଥିଲେ। ଶାସ୍ତ୍ରୀ ଏହି ଦୌଡ଼ରେ ଅଷ୍ଟ୍ରେଲିଆର ଟମ୍ ମୁଡି ଏବଂ ନ୍ୟୁଜିଲାଣ୍ଡର ମାଇକ୍ ହାସନକୁ ପଛରେ ପକାଇ ଦେଇଥିଲେ।
Sambad is now on WhatsApp
Join and get latest news updates delivered to you via WhatsApp
ସୂତ୍ର ଅନୁସାରେ କିଛି ପ୍ରାର୍ଥୀଙ୍କୁ ପ୍ରଶ୍ନ ପଚରା ଯାଇଥିଲା, ଯେଉଁଥିରେ ରବି ଶାସ୍ତ୍ରୀଙ୍କୁ ମଧ୍ୟ ଉତ୍ତର ଦେବାକୁ ପଡ଼ିଥିଲା। ଗୋଟିଏ ପ୍ରଶ୍ନର ଉତ୍ତରରେ ରବି ଶାସ୍ତ୍ରୀ ସ୍ପଷ୍ଟ କରିଥିଲେ ଯେ, ‘ବିଶ୍ୱକପ’ର ଏକ କଳା ଦିବସ ଟିମ୍କୁ ଖରାପ କରିପାରିବ ନାହିଁ। ସେ କହିଥିଲେ ଯେ, ଟିମ୍ ପାଇଁ ସେ ଯେଉଁ ସ୍ୱପ୍ନ ଦେଖିଛନ୍ତି, ତାହା ଏବେବି ପୂର୍ଣ୍ଣ ହୋଇପାରି ନାହିଁ। ତାଙ୍କର ସମ୍ମୁଖରେ ଗୋଟିଏ ନୁହେଁ ବରଂ ୨୦୨୦ ଏବଂ ୨୦୨୧ରେ ହେବାକୁ ଥିବା ଟି-୨୦ ବିଶ୍ୱକପ ରହିଛି। ଯେଉଁ ଆତ୍ମବିଶ୍ୱାସର ସହ ଏହି କମିଟି ଗଢ଼ାଯାଇଥିଲା, ଏହା ଭାବିଥିଲା ଯେ, ଶାସ୍ତ୍ରୀ ହିଁ ଉପଯୁକ୍ତ ବ୍ୟକ୍ତି।