ଭୁବନେଶ୍ୱର: କଂଗ୍ରେସ ସଭାପତି ରାହୁଲ ଗାନ୍ଧି ଓଡ଼ିଶା ଦାୟିତ୍ୱରେ ଥିବା ଅଲ ଇଣ୍ଡିଆ କଂଗ୍ରେସ କମିଟି (ଏଆଇସିସି) ସମ୍ପାଦକ ଶୁଭଙ୍କର ସରକାରଙ୍କୁ ହଟାଇଦେଇଛନ୍ତି । ତାଙ୍କ ସ୍ଥାନରେ ୩ଜଣ ଏଆଇସିସି ସମ୍ପାଦକଙ୍କୁ ଓଡ଼ିଶା ଦାୟିତ୍ୱ ଦିଆଯାଇଛି । ଏମାନେ ହେଲେ ଆନ୍ଧ୍ରର ପୂର୍ବତନ ବିଧାୟକ ରୁଦ୍ର ରାଜୁ, ଦିଲ୍ଲୀର ପୂର୍ବତନ ବିଧାୟକ ଅନୀଲ ଚୌଧୁରୀ ଓ ପୂର୍ବତନ ବିଧାୟକ ଶେଖ ମସ୍ତାନ ଓ୍ଵାଲି । ଏହା ସହିତ ଆଦିତ୍ୟ ଶର୍ମାଙ୍କୁ ଓଡ଼ିଶା ପାଇଁ ଏଆଇସିସି ଯୁଗ୍ମ ସମ୍ପାଦକ ଦାୟିତ୍ୱ ଦିଆଯାଇଛି ।
Sambad is now on WhatsApp
Join and get latest news updates delivered to you via WhatsApp
ନିକଟରେ ପ୍ରଦେଶ କଂଗ୍ରେସ କମିଟି ସଭାପତି ପ୍ରସାଦ ହରିଚନ୍ଦନ ରାଜ୍ୟରେ ଦଳର ବ୍ୟାପକ ସାଂଗଠନିକ ପରିବର୍ତ୍ତନର ସଂକେତ ଦେଇଥିଲେ। କିଛିଦିନ ତଳେ ଏଆଇସିସି ପକ୍ଷରୁ ଜିତେନ୍ଦ୍ର ସିଂଙ୍କୁ ଓଡ଼ିଶା ପ୍ରଭାରୀ କରାଯାଇଥିଲା । ସେ ବି.କେ. ହରିପ୍ରସାଦଙ୍କ ସ୍ଥାନ ନେଇଛନ୍ତି ।