କୂଅରୁ ଉଦ୍ଧାର ହେଲା ଯୁବକଙ୍କ ମୃତଦେହ, ପରିବାର ଲୋକ ଆଣିଲେ ହତ୍ୟା ଅଭିଯୋଗ
କଣ୍ଟାବାଞ୍ଜି : ନୂଆପଡାର କଣ୍ଟାବାଞ୍ଜି ଆଶ୍ରମପଡାରେ ଥିବା ରାଧାସ୍ୱାମୀ ଆଶ୍ରମ ପଛପଟେ ଥିବା ଏକ ପରିତ୍ୟକ୍ତ କୂଅରୁ ଜଣେ ଯୁବକର ମୃତଦେହ ପୁଲିସ ଉଦ୍ଧାର କରିଛି । ମୃତକ ଜଣକ ହେଉଛନ୍ତି କଣ୍ଟାବାଞ୍ଜି ଆନନ୍ଦନଗରର କମଲ ବାଗ । କମଲ ଗତ ୧୦ ତାରିଖରୁ ନିଖୋଜ ଥିବା ପରିବାର ଲୋକେ ଥାନାରେ ଅଭିଯୋଗ କରିଥିଲେ । ଆଜି ସକାଳୁ କୁଅରେ ଏକ ମୃତଦେହ ଭାସୁଥିବା ଦେଖି ସ୍ଥାନୀୟ ଲୋକ ପୁଲିସକୁ ଖବର ଦେଇଥିଲେ ।
Sambad is now on WhatsApp
Join and get latest news updates delivered to you via WhatsApp
ପୁଲିସ ଘଟଣାସ୍ଥଳରେ ପହଂଚି ତଦନ୍ତ ଆରମ୍ଭ କରି ବଲାଙ୍ଗୀର ସାଇଂଟିଫିକ ଟିମ ଆସି ମୃତଦେହକୁ କୂଅରୁ ବାହାର କରି ତଦନ୍ତ କରୁଛି । କମଳଙ୍କ ପରିବାର ଲୋକ ଏହାକୁ ପ୍ରେମ ଜନିତ କାରଣରୁ ହତ୍ୟାକାଣ୍ଡ ବୋଲି ଅଭିଯୋଗ କରୁଛନ୍ତି ।
ତେବେ ପୁଲିସ ଏବେ ମୃତଦେହ ଜବତ କରି ବ୍ୟବଛେଦ ପାଇଁ ପଠାଇଛି | ରିପୋର୍ଟ ଆସିବା ପରେ ହିଁ ଏହା ହତ୍ୟାକାଣ୍ଡ ନା ଆତ୍ମହତ୍ୟା ତାହା ଜଣାପଡିବ ବୋଲି ପୁଲିସ ପକ୍ଷରୁ କୁହାଯାଇଛି |