ଭୁବନେଶ୍ୱର: କେନ୍ଦ୍ରରେ ଏକ ମଜବୁତ ସରକାରର ଆବଶ୍ୟକତା ଅଛି । ମୋଦିଙ୍କ ଦୃଢ ନେତୃତ୍ୱ ଯୋଗୁଁ ପାକିସ୍ତାନ ଉପରେ ପ୍ରହାର କରାଯାଇ ପାରିଲା ବୋଲି ବିଜେପିର ପୁରୀ ଲୋକସଭା ଆସନର ପ୍ରାର୍ଥୀ ସମ୍ବିତ ପାତ୍ର କହିଛନ୍ତି।
ଏଥିସହିତ ସେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଝୁଲା ସରକାର ମନ୍ତବ୍ୟକୁ ସମାଲୋଚନା ମଧ୍ୟ କହିଛନ୍ତି । ଏହାଛଡା ପୁରୀର ବିକାଶକୁ ପ୍ରସଙ୍ଗ କରି ସେ ଲୋକଙ୍କ ପାଖକୁ ଯିବେ ବୋଲି ବି କହିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ତେବେ ତେବେ ବିକାଶକୁ ମୁଖ୍ୟ ଅସ୍ତ୍ର କରି ସମ୍ବିତ ପାତ୍ର ପୁରୀବାସୀଙ୍କ ନିକଟତର ହେବେ ବୋଲି ଦାବି କରିଛନ୍ତି । ସେ କହିଛନ୍ତି କି, ପୁରୀ ଏକ ସାଧାରଣ ସହର ନୁହେଁ ବରଂ ଅତି ମହତ୍ୱପୂର୍ଣ୍ଣ ସହର । କିନ୍ତୁ ବଡ ଦୁର୍ଭାଗ୍ୟର ବିଷୟ ଏହି ଐତିହ୍ୟ ସଂପର୍କରେ କେଉଁଠାରେ ବି ଚର୍ଚ୍ଚା ହେଉ ନାହିଁ।
ଆଗକୁ ସମ୍ବିତ ପାତ୍ର କହିଛନ୍ତି, ଭାରତବର୍ଷକୁ ଆଗକୁ ବଢାଇବାକୁ ହେଲେ ଗୋଟିଏ ମଜବୁତ ସରକାର ଦରକାର। ଗୋଟିଏ ଅସ୍ଥିର ସରକାର କେବେ ହେଲେ ବି ଭାରତବର୍ଷକୁ ଆଗକୁ ନେଇପାରିବ ନାହିଁ ବୋଲି ଓଡିଶାବାସୀମାନେ ଏସଂପର୍କରେ ବହୁତ ଭଲ ଭାବରେ ଜାଣିଛନ୍ତି । ସେଥିପାଇଁ ମୋଦିଙ୍କ ହାତକୁ ଟାଣ କରିବେ, ମୋଦିଙ୍କ ପଛରେ ଛିଡା ହେବେ ଏବଂ ପଦ୍ମ ସଂପୂର୍ଣ୍ଣ ଭାବରେ ଓଡିଶାରେ ଫୁଟିବ ବୋଲି ଦୃଢୋକ୍ତି ବାଢିଛନ୍ତି ବିଜେପିର ପୁରୀ ଲୋକସଭା ଆସନର ପ୍ରାର୍ଥୀ ସମ୍ବିତ ପାତ୍ର ।