ଭୁବନେଶ୍ବର: ବଜାଜ୍ ଅଟୋ ପକ୍ଷରୁ ନୟାପଲ୍ଲୀରେ ଥିବା ଭାରତ ବଜାଜ ସୋ’ରୁମ୍ରେ ଏହାର ନୂଆ ପ୍ଲାଟିନା ୧୧୦ ଏଚ୍-ଗିୟର ଓ ସିଟି-୧୧୦କୁ ଉନ୍ମୋଚନ କରାଯାଇଛି। କଂପାନିର ଆଞ୍ଚଳିକ ପ୍ରବନ୍ଧକ ସଦାନନ୍ଦ ସ୍ବାମୀ, ଭାରତ ବଜାଜର ଏମ୍ଡି ସୁଶାନ୍ତ ମହାରଣା, ମହାପ୍ରବନ୍ଧକ ସୋମନାଥ ଦାଶ ଓ ଏଲ୍ଆଣ୍ଡ୍ଟି ଫାଇନାନ୍ସର ଶିବଦତ୍ତ ମହାପାତ୍ରଙ୍କ ଉପସ୍ଥିତିରେ ଦୁଇ ନୂଆ ବାଇକ୍କୁ ଉନ୍ମୋଚନ କରାଯାଇଛି। ନୂଆ ପ୍ଲାଟିନା ୧୧୦ ଏଚ୍-ଗିୟରରେ ପ୍ରଥମ ଥର ପାଇଁ ଡିଜିଟାଲ୍ କନ୍ସୋଲ୍ ବ୍ୟବହାର କରାଯାଇଥିବା ବେଳେ ରାଜପଥରେ ଯାଉଥିବା ବେଳେ ଅଧିକ ଶକ୍ତି ପ୍ରଦାନ କରିବା ଲାଗି ଏଥିରେ ରହିଛି ସ୍ବତନ୍ତ୍ର ଏଚ୍-ଗିୟର୍। ଏହାର ଏକ୍ସ ସୋ’ରୁମ୍ ଦର ୫୬,୪୩୪ ଟଙ୍କାରୁ ଆରମ୍ଭ ହୋଇଛି। ସେହିପରି ଖରାପ ରାସ୍ତାରେ ଆରାମଦାୟକ ବାଇକ୍ ଚାଳନା ଅନୁଭୂତି ପ୍ରଦାନ କରିବା ଲାଗି ସିଟି ୧୧୦କୁ ପ୍ରସ୍ତୁତ କରାଯାଇଛି। ଏହାର ଏକ୍ସ ସୋ’ରୁମ୍ ଦର ୪୫,୫୦୪ ଟଙ୍କା ରହିଛି।