ହୋସୁରରେ ହେବ ସର୍ବବୃହତ୍ ଆଇଫୋନ୍ କାରଖାନା
ନୂଆଦିଲ୍ଲୀ: ବେଙ୍ଗାଲୁରୁ ନିକଟ ହୋସୁରଠାରେ ଏକ ବିଶାଳ ଆଇଫୋନ ନିର୍ମାଣ ୟୁନିଟ ସ୍ଥାପନ ହେବ। ଭାରତରେ ଏହା ହେବ ଆପଲ୍ର ସବୁଠୁ ବଡ଼ ଆଇଫୋନ କାରଖାନା। ଏଠାରେ ପ୍ରାୟ ୬୦ ହଜାର କର୍ମଚାରୀ ନିଯୁକ୍ତି ପାଇବେ। ସେମାନଙ୍କ ମଧ୍ୟରୁ ପ୍ରଥମ ୬ ହଜାର କର୍ମଚାରୀ ତଫସିଲଭୁକ୍ତ ଜନଜାତି ସଂପ୍ରଦାୟର ମହିଳା। ରାଞ୍ଚି ଏବଂ ହଜାରିବାଗ ଅଞ୍ଚଳର ଏହି ମହିଳାମାନଙ୍କୁ ଆଇଫୋନ ନିର୍ମାଣ ପାଇଁ ତାଲିମ ପ୍ରଦାନ କରାଯାଇଛି। ଜନଜାତୀୟ ଗୌରବ ଦିବସ ଉତ୍ସବରେ ଯୋଗଦେଇ କେନ୍ଦ୍ର ଟେଲିକମ୍ ଓ ଆଇଟି ମନ୍ତ୍ରୀ ଅଶ୍ବିନୀ ବୈଷ୍ଣବ ମଙ୍ଗଳବାର ଏହା କହିଛନ୍ତି।
Sambad is now on WhatsApp
Join and get latest news updates delivered to you via WhatsApp
ଉଲ୍ଲେଖଯୋଗ୍ୟ, ଆପଲ୍ର ଏହି ଆଇଫୋନ ନିର୍ମାଣ କାର୍ଯ୍ୟ ଟାଟା ଇଲେକ୍ଟ୍ରୋନିକ୍ସ ହୋସୁରଠାରେ କରିବ। କମ୍ପାନି ଫକ୍ସକନ, ୱିସଟ୍ରନ ଏବଂ ପେଣ୍ଟାଗନ ଜରିଆରେ ଭାରତରେ ଆଇଫୋନ ନିର୍ମାଣ କରୁଛି।