ଭୁବନେଶ୍ବର : ନାଲକୋ ଆଲୁମିନିୟମ ସ୍ମେଲଟିଂ କ୍ଷେତ୍ରରେ ଆଉ ଏକ ମାଇଲଖୁଣ୍ଟ ହାସଲ କରିଅଛି । କମ୍ପାନୀ ଅନୁଗୁଳଠାରେ ଅବସ୍ଥିତ ସ୍ମେଲଟର ପ୍ଲାଣ୍ଟରେ ଥିବା ସମସ୍ତ ୯୬୦ ପଟକୁ ସଫଳତାର ସହ କାର୍ଯ୍ୟକ୍ଷମ କରିପାରିଛି । ନାଲକୋର ଅଧ୍ୟକ୍ଷ ତଥା ପରିଚାଳନା ନିର୍ଦ୍ଦେଶକ ଶ୍ରୀଧରପାତ୍ର, ଜାନୁଆରୀ ୧୨ ତାରିଖରେ ଭୁବନେଶ୍ୱରସ୍ଥିତ ନାଲକୋ ମୁଖ୍ୟ କାର୍ଯ୍ୟାଳୟଠାରେ ଭର୍ଚୁଆଲ ମାଧ୍ୟମରେ ୯୬୦ତମ ପଟକୁ ଆନୁଷ୍ଠାନିକଭାବରେ ଶୁଭାରମ୍ଭ କରିଥିଲେ । ଏହି ସଫଳତା ପାଇଁ ସେ ସମସ୍ତ କର୍ମଚାରୀଙ୍କୁ ଅଭିନନ୍ଦନ ଜଣାଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
ବିଗତ ୪୧ ବର୍ଷର ଯାତ୍ରାମଧ୍ୟରେ କମ୍ପାନୀ ପ୍ରଥମଥର ପାଇଁ ଆଲୁମିନିୟମ ସ୍ମେଲଟର ପ୍ଲାଣ୍ଟରେ ଥିବା ୯୬୦ ପଟର ଶତ ପ୍ରତିଶତ କାର୍ଯ୍ୟକ୍ଷମତା ହାସଲ କରିଅଛି । ଉଲ୍ଲେଖଯୋଗ୍ୟ ଯେ, ଓଡିଶାର ଅନୁଗୁଳଠାରେ ଅବସ୍ଥିତ ନାଲକୋ ସ୍ମେଲଟର ପ୍ଲାଣ୍ଟ ଏହାର ପରିବେଶ ଅନୁକୂଳ କାର୍ଯ୍ୟ ଏବଂ ଶୁଦ୍ଧ ଆଲୁମିନିୟମ୍ ଉତ୍ପାଦନ ପାଇଁ ପ୍ରତିଷ୍ଠା ଅର୍ଜନ କରିଅଛି । ନିକଟରେ କମ୍ପାନୀ ଭାରତ ସରକାରଙ୍କ ଖଣି ମନ୍ତ୍ରଣାଳୟ ଦ୍ୱାରା ୨୦୨୦-୨୧ ବର୍ଷ ପାଇଁ ଏକ୍ସଲେଣ୍ଟ୍ ଏଓୟୁ ରେଟିଙ୍ଗ୍ ହାସଲ କରିଅଛି।