ବ୍ୟାଙ୍କର ଅଜବ ନିୟମ ପାଇଁ ଅସୁବିଧାର ସମ୍ମୁଖୀନ ହେଲେ ମହିଳା, ଅନୁମତି ନ ନେଇ ଗର୍ଭବତୀ ହୋଇଥିବାରୁ ମିଳିଲା ଗର୍ଭପାତର ଆଦେଶ
ନୂଆଦିଲ୍ଲୀ : କିଛି ଦିନ ହେବ ଚୀନ୍ର ଏକ ବ୍ୟାଙ୍କ ବିରୋଧରେ ଲୋକମାନେ ଆନ୍ଦୋଳନ ଆରମ୍ଭ କରିଥିବା ଜଣାପଡ଼ିଛି । ବ୍ୟାଙ୍କ ତା’ର ଜଣେ ମହିଳା କର୍ମଚାରୀଙ୍କୁ ଗର୍ଭପାତ ନ ହେଲେ ଜରିମାନା ଦେବାକୁ ଆଦେଶ ଦେବା ପରେ ଏହି ଆନ୍ଦୋଳନ ଆରମ୍ଭ ହୋଇଥିବା ଜଣାପଡ଼ିଛି । ମହିଳା ଜଣଙ୍କ ନ ଜଣାଇ ଗର୍ଭବତୀ ହୋଇଥିବାରୁ ତାଙ୍କୁ ଏଭଳି ଦଣ୍ଡ ବ୍ୟାଙ୍କ ତରଫରୁ ଦିଆଯାଇଥିବା ସୂଚନା ମିଳିଛି । ଯଦି କୌଣସି ମହିଳା କର୍ମଚାରୀ ସୂଚନା ନ ଦେଇ ଗର୍ଭବତୀ ହେଉଛନ୍ତି,ତେବେ ସେ ଗର୍ଭପାତ କରାଇବେ ନହେଲେ ନିଜ ଭୁଲ ପାଇଁ ଜରିମାନା ଦେବେ ବୋଲି ବ୍ୟାଙ୍କର ନିୟମ ଥିବା ବେଳେ ମହିଳା କର୍ମଚାରୀଜଣଙ୍କ ନିୟମ ଉଲ୍ଲଘଂନ କରିଥିଲେ । ଯେଉଁଥି ପାଇଁ ତାଙ୍କୁ ଏଭଳି ଦଣ୍ଡ ମିଳିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଯଦି କୌଣସି ମହିଳା କର୍ମଚାରୀ ଗର୍ଭବତୀ ହେବାକୁ ଚାହୁଁଛନ୍ତି,ତେବେ ସେମାନଙ୍କୁ ଜାନୁଆରୀ ମାସରେ ଚିଠି ଲେଖି ଜଣାଇବାକୁ ହେବ । ବ୍ୟାଙ୍କର ମୁଖ୍ୟ ଅନୁମତି ଦେବା ପରେ ହିଁ ମହିଳା କର୍ମଚାରୀ ଗର୍ଭବତୀ ହୋଇ ପାରିବେ । ବ୍ୟାଙ୍କର ଏହି ଅଜବ ନିୟମର ଶିକାର ହେବା ପୂର୍ବରୁ ଅନେକ ମହିଳା ହୋଇ ସାରିଥିଲେ ମଧ୍ୟ କେହି ଏହାର ଅଭିଯୋଗ କରି ନଥିଲେ । କିନ୍ତୁ ଏବେ ଜଣେ ମହିଳା ଏହାର ବିରୋଧେ କରିବା ପରେ ବ୍ୟାଙ୍କର ଅସଲ ମୁଖା ସାମ୍ନାକୁ ଆସିଛି ।