ଦକ୍ଷିଣ ଆଫ୍ରିକାର ପ୍ରବାସୀ ଭାରତୀୟ ମହିଳାଙ୍କୁ ଗଣଦୁଷ୍କର୍ମ: ଟୁରିଷ୍ଟ ଗାଇଡ ଓ ମସାଜ ପାର୍ଲର ମାଲିକ ଗିରଫ
ମଥୁରା: ଜଣେ ପ୍ରବାସୀ ଭାରତୀୟ ମହିଳାଙ୍କୁ ଉତ୍ତର ପ୍ରଦେଶର ମଥୁରାଠାରେ ଜଣେ ଟୁରିଷ୍ଟ୍ ଗାଇଡ୍ ଓ ତା’ର ସାଙ୍ଗ ମିଶି କରି ଗଣଦୁଷ୍କର୍ମ କରିଥିବାର ଅଭିଯୋଗ ହୋଇଛି। ଏହି ମହିଳା ଜଣକ ଦକ୍ଷିଣ ଆଫ୍ରିକାର ବୋଲି ଜଣାଯାଇଛି। ଏ ସଂପର୍କରେ ପୀଡ଼ିତାଙ୍କର ଜଣେ ବନ୍ଧୁ ଥାନାରେ ଅଭିଯୋଗ କରିବାପରେ ଗାଇଡ୍ ମୋନୁ ଓ ତା’ର ସାଙ୍ଗ ବିଷ୍ଣୁକୁ ଗିରଫ କରିଛି ପୁଲିସ୍।
Sambad is now on WhatsApp
Join and get latest news updates delivered to you via WhatsApp
ପୁଲିସ ସୂତ୍ରରୁ ଜଣାଯାଇଛି ଯେ,ପୀଡ଼ିତା ମହିଳା ସୋମବାର ଦିନ ତୀର୍ଥସ୍ଥଳ ଗୋକୁଳ ଧାମକୁ ବୁଲିବାକୁ ଯାଇଥିବାବେଳେ ତାଙ୍କୁ ମୋନୁ ଓ ବିଷ୍ଣୁ ଗଣଦୁଷ୍କର୍ମ କରିଥିଲେ। ମହାଓ୍ଵାନ୍ ପୁଲିସ ଥାନାର ଭାରପ୍ରାପ୍ତ ଅଧିକାରୀ ଦୀପେନ୍ଦ୍ର ସିଂହଙ୍କ ଅନୁଯାୟୀ ଅଭିଯୁକ୍ତ ବିଷ୍ଣୁ ମଥୁରାରେ ଏକ ମସାଜ୍ ପାର୍ଲର ମାଲିକ। ପୀଡ଼ିତା ମୂଳତଃ ଭାରତର । ତାଙ୍କର ବୟସ ପ୍ରାୟ ୨୫ ବର୍ଷ। ସେ ମଥୁରା ଜିଲ୍ଲାର ବୃନ୍ଦାବନ ବୁଲିବାକୁ ଆସିଥିଲେ।
ପୀଡ଼ିତା ଇସ୍କନ ମନ୍ଦିର ନିକଟରେ ଥିବା ଏକ ଗେଷ୍ଟ ହାଉସରେ ନିଜର ମାମୁଁ ଓ ମାଇଁଙ୍କ ସହ ଦୁଇ ଦିନ ହେଲା ରହୁଥିଲେ। ପୀଡ଼ିତା ଜଣକ ପୁଲିସରେ ଲିଖିତ ଅଭିଯୋଗ କରିବାକୁ ଏପରିକି ଡାକ୍ତରି ମାଇନା ଲାଗି ବି ଅରାଜି ହେଉଥିଲେ ବୋଲି ଦୀପେନ୍ଦ୍ର ସିଂହ କହିଛନ୍ତି ।