୩ବର୍ଷୀୟ ଶିଶୁକୁ ମା’ କୋଳରୁ ଟେକି ନେଇ ଦୁଷ୍କର୍ମ ଓ ପରେ ମୁଣ୍ଡ କାଟ କଲେ ଅଭିଯୁକ୍ତ
ଜାମସେଦ୍ପୁର : ଝାଡ଼ଖଣ୍ଡର ଜାମସେଦ୍ପୁରରେ ଏକ ହୃଦୟ ଥରାଇଦେବା ଭଳି ଘଟଣା ଘଟିଛି । ଟାଟାନଗର ରେଳ ଷ୍ଟେସନରୁ ଜଣେ ୩ବର୍ଷୀୟ ଶିଶୁକୁ ଦୁଇ ଅଭିଯୁକ୍ତ ଟେକି ନେଇ ଗଣଦୁଷ୍କର୍ମ କରିବା ଓ ପରେ ଶିଶୁର ମୁଣ୍ଡକାଟି ଫିଙ୍ଗିଦେବା ଖବର ଏବେ ସ୍ଥାନୀୟ ଅଞ୍ଚଳରେ ଚାଞ୍ଚଲ୍ୟ ଖେଳାଇ ଦେଇଛି । ନିଖୋଜ ହେବାର ୫ଦିନ ପରେ ଶିଶୁର ମୃତଦେହ ପଲିଥିନ ବ୍ୟାଗ୍ ଭିତରୁ ମିଳିଥିଲା । ତେବେ ସିସିଟିଭି ଯାଞ୍ଚ କରି ପୁଲିସ ବୁଧବାର ଦୁଇ ଅଭିଯୁକ୍ତଙ୍କ ସମେତ ୩ଜଣଙ୍କୁ ଗିରଫ କରିଥିବା ଜଣା ପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ସିସିଟିଭିରେ ନଜର ଆସୁଥିବା ମୁଖ୍ୟ ଅଭିଯୁକ୍ତ ରିଙ୍କୁ ସାହୁ ୨୦୧୫ରେ ଏକ ଶିଶୁକୁ ଅପହରଣ କରି ହତ୍ୟା ଉଦ୍ୟମ କରିଥିବାରୁ ଜେଲ୍ ଯାଇଥିଲା । ଜେଲ୍ରୁ ଫେରିବା ପରେ ସେ ଟାଟାନଗର ରେଳ ଷ୍ଟେସନରୁ ପୀଡ଼ିତାଙ୍କୁ ଶୋଇଥିବା ଅବସ୍ଥାରେ ଟେକି ଆଣିଥିଲେ । ଏହା ପରେ ଅନ୍ୟ ଅଭିଯୁକ୍ତ ସହ ମିଶି ପୀଡ଼ିତାଙ୍କ ସହ ଦୁଷ୍କର୍ମ କରିବା ପରେ ଗଳା କାଟି ଫିଙ୍ଗି ଦେଇଥିଲେ । ତେବେ ପୁଲିସ ମୁଖ୍ୟ ଅଭଯୁକ୍ତକୁ ଚିହ୍ନଟ କରି ସାରିବା ପରେ ପୀଡ଼ିତାଙ୍କ ମା’ ନିଜ ପ୍ରେମିକଙ୍କ ସଂପୃକ୍ତି ନେଇ ପୁଲିସକୁ ଜଣାଇଥିଲେ । ଯାହା ପରେ ପୁଲିସ ଦୁଇ ମୁଖ୍ୟ ଅଭଯୁକ୍ତଙ୍କ ସମେତ ପୀଡ଼ିତାଙ୍କ ମା’ଙ୍କ ପ୍ରେମିକକୁ ମଧ୍ୟ ଗିରଫ କରିଥିବା ଜଣା ପଡ଼ିଛି ।